Cinema News: ప్రేమసందేశం

రామరాజు, సోనాక్షి వర్మ, అభి, ప్రీతిసింగ్‌, శ్రీకృష్ణ, మారుతి సకారం ముఖ్యపాత్రల్లో నటించిన చిత్రం ‘@ లవ్‌’. శ్రీ  నారాయణ దర్శకత్వం వహించారు. మహేందర్‌ సింగ్‌, శైలజ తాటిచర్ల, శ్రీనారాయణ నిర్మాతలు. ఈ సినిమా టైటిల్‌ లోగోని ప్రముఖ దర్శకుడు నాగ్‌ అశ్విన్‌ ఇటీవల హైదరాబాద్‌లో  ఆవిష్కరించారు. స్వచ్ఛమైన ప్రేమకథతో రూపొందుతున్న ఈ సినిమా ప్రేక్షకులకి చేరువ కావాలని కోరుకుంటున్నట్టు తెలిపారు. ‘‘అడవి నేపథ్యంలో, వాస్తవానికి దగ్గరగా సాగే చిత్రమిది. ఈ కథ ప్రేక్షకులకు కొత్త అనుభూతిని  పంచుతుంది. మనసుకు హత్తుకునే భావోద్వేగాలు చిత్రానికి ప్రధానబలం. అంతర్లీనంగా మహిళలకి సంబంధించిన ఓ గొప్ప సందేశం ఉంటుంద’’ని  సినీ వర్గాలు తెలిపాయి. సంగీతం: సన్నీ మాణిక్‌, రామ్‌చరణ్‌, కూర్పు: మార్తాండ్‌ కె.వెంకటేష్‌,  ఛాయాగ్రహణం: మహేందర్‌.