Naga chaitanya: నాగ చైతన్య లేటెస్ట్‌ మూవీ అప్‌డేట్‌

ఇంటర్నెట్‌డెస్క్‌: ‘లవ్‌ స్టోరీ’, ‘బంగార్రాజు’ సినిమాల తర్వాత నాగ చైతన్య నటించబోతున్న చిత్రంపై ఆసక్తికరమైన అప్‌డేట్‌ వచ్చేసింది. ఈ మేరకు ఆయన వెంకట్‌ ప్రభు దర్శకత్వంలో కొత్త సినిమా చేయనున్నారు. శ్రీనివాస్‌ సిల్వర్‌ స్క్రీన్స్‌ పతాకం పై ఈ సినిమా రానుంది. ఈ విషయాన్ని తెలియచేస్తూ బుధవారం ఉదయం చిత్ర నిర్మాణ సంస్థ ఓ ట్వీట్‌ షేర్‌ చేసింది. యువసామ్రాట్‌తో కలిసి పనిచేయబోతున్నందుకు చాలా ఆనందంగా ఉందని, ఈ ప్రాజెక్టు తమకెంతో ప్రత్యేకమైనదని తెలిపింది. నవ్వులు పూయించడానికి సిద్ధంగా ఉండాలంది. నాగ చైతన్య 22వ చిత్రంగా ఇది సిద్ధం కానుంది.  శ్రీనివాస చిట్టూరి నిర్మిస్తున్నారు. తెలుగు, తమిళ భాషల్లో ప్రేక్షకులను అలరించనుంది.