Thank You: ‘థ్యాంక్‌యూ’ విడుదల ఖరారు

నాగచైతన్య కథానాయకుడిగా... విక్రమ్‌ కె.కుమార్‌ దర్శకత్వంలో తెరకెక్కిన చిత్రం ‘థ్యాంక్‌యూ’. రాశిఖన్నా, మాళవిక నాయర్‌ కథానాయికలు. శ్రీ వెంకటేశ్వర క్రియేషన్స్‌ పతాకంపై దిల్‌రాజు, శిరీష్‌ నిర్మిస్తున్నారు. ఈ చిత్రాన్ని జులై 8న ప్రేక్షకుల ముందుకు తీసుకొస్తున్నట్టు  శనివారం ప్రకటించారు నిర్మాతలు. ‘మనం’ తర్వాత నాగచైతన్య, విక్రమ్‌  కె.కుమార్‌ కలిసి చేసిన చిత్రమిది. ‘‘నాగచైతన్య కెరీర్‌లో మరపురాని చిత్రంగా నిలిచిపోతుంది. ఆయన లుక్‌, నటన  ఆకట్టుకుంటుంది. పీసీ శ్రీరామ్‌ ఛాయాగ్రహణం ప్రధాన ఆకర్షణగా నిలుస్తుంద’’ని సినీ వర్గాలు తెలిపాయి. దీనికి సంగీతం: తమన్‌, కథ: బి.వి.ఎస్‌.రవి, కూర్పు: నవీన్‌నూలి.