సమంత బాటలో నాగచైతన్య

బాలీవుడ్‌కు హీరో ఎంట్రీ ఇవ్వనున్నారా?

హైదరాబాద్‌: కెరీర్‌ విషయంలో హీరో నాగచైతన్య.. తన సతీమణి సమంతను అనుసరిస్తున్నారా? అంటే అవుననే అంటున్నాయి సినీ వర్గాలు. దక్షిణాదిలో ముఖ్యంగా తెలుగు చిత్రపరిశ్రమలో అగ్రకథానాయికగా రాణిస్తున్న సామ్‌.. ‘ది ఫ్యామిలీ మ్యాన్‌-2’ సిరీస్‌తో ఇటీవల బాలీవుడ్‌లోకి ఎంట్రీ ఇచ్చిన విషయం తెలిసిందే. కాగా, వరుస ప్రేమకథా చిత్రాలతో తెలుగులో రాణిస్తున్న చైతన్య సైతం త్వరలో బాలీవుడ్‌లోకి అడుగుపెట్టనున్నట్లు సమాచారం.

ఆమిర్‌ఖాన్‌ కథానాయకుడిగా తెరకెక్కుతున్న చిత్రం ‘లాల్‌సింగ్‌ చద్దా’. శరవేగంగా చిత్రీకరణ జరుపుకుంటోన్న ఈ సినిమాలో నాగచైతన్య ఓ కీలకపాత్రలో నటించనున్నట్లు సమాచారం. ఈ విషయమై ఇప్పటికే చిత్రబృందం చైతన్యను సంప్రదించినట్లు కథనాలు వస్తున్నాయి. అయితే, ఈ వార్తలపై ఎటువంటి అధికారిక ప్రకటన వెలువడలేదు. మరోవైపు చైతన్య ప్రస్తుతం ‘థ్యాంక్యూ’లో నటిస్తున్నారు. విక్రమ్‌ కుమార్‌ దర్శకత్వం వహిస్తున్నారు.

ఇదీ చదవండి

చైతన్య ప్రేమ సందేశం.. నిహారిక కన్నీళ్లు