Naga Chaitanya: నాగచైతన్య కొత్త చిత్రం.. ప్రారంభం ఎప్పుడంటే..!

హైదరాబాద్‌: ఆమిర్‌ఖాన్‌తో కలిసి నాగచైతన్య నటించిన ‘లాల్‌ సింగ్‌ చడ్డా’ ప్రేక్షకులను ఆశించిన స్థాయిలో అలరించలేకపోయింది. దీని తర్వాత నాగచైతన్య తన 22వ సినిమాను దర్శకుడు వెంకట్‌ ప్రభుతో చేయనున్నారు. శ్రీనివాసా సిల్వర్‌ స్క్రీన్‌పై శ్రీనివాస చిట్టూరి నిర్మించనున్నారు. ఈ చిత్రంలో నాగచైతన్య సరసన కృతిశెట్టి నటించనుంది. ఈ సినిమాకు సంబంధించిన పోస్టర్‌ను చిత్రబృందం  ఈరోజు విడుదల చేసింది. ఇంకా పేరు ఖరారు కాని ఈ సినిమా షూటింగ్‌ ప్రారంభంకానుంది. ఈ విషయాన్ని నాగచైతన్య ట్విటర్‌ వేదికగా ప్రకటించారు. నాగచైతన్య కనిపిస్తున్న ఓ ఫొటోను షేర్‌ చేస్తూ ‘షూటింగ్‌ రేపటి (సెప్టెంబరు 21) నుంచి మొదలుకానుంది’ అంటూ చిత్రబృందాన్ని ట్యాగ్‌ చేశారు. తెలుగు, తమిళ భాషల్లో విడుదలవ్వనున్న ఈ ద్విభాషా చిత్రానికి ఇళయరాజా, యువన్‌ శంకర్‌రాజా సంగీతం అందిస్తున్నారు.