Naga Chaitanya: నాగ చైతన్య కొత్త ప్రయాణం.. ‘దూత’ ప్రారంభం

ఇంటర్నెట్‌ డెస్క్‌: ఓటీటీకి ఆదరణ పెరుగుతున్న నేపథ్యంలో ప్రముఖ సినీ నటులు వెబ్‌ సిరీస్‌ల్లో నటించేందుకు ఆసక్తి చూపిస్తున్నారు. ఇప్పటికే పలువురు తారలు వెబ్‌ సిరీస్‌ల్లో నటించి ప్రేక్షకుల్ని అలరించారు. తాజాగా ఈ జాబితాలోకి నాగ చైతన్య చేరబోతున్నారు. ‘దూత’ అనే వెబ్‌ సిరీస్‌లో ఆయన నటిస్తున్నారు. చిత్రీకరణ మంగవాళం ప్రారంభమైందని సోషల్‌ మీడియా వేదికగా అభిమానులతో పంచుకున్నారు. ఈ మేరకు ఓ ఆసక్తికర ఫొటోను పోస్ట్‌ చేశారు. ఈ సిరీస్‌కు విక్రమ్‌ కె. కుమార్‌ దర్శకుడు. థ్రిల్లర్‌ నేపథ్యంలో సాగే ఈ సిరీస్‌కు సంబంధించిన మరిన్ని వివరాలు త్వరలోనే తెలియనున్నాయి. విక్రమ్‌ కె.కుమార్‌- నాగ చైతన్య కాంబినేషన్‌లో రూపొందిన ‘థ్యాంక్‌ యు’ చిత్రం త్వరలోనే విడుదలకానుంది. ఇదే కాంబినేషన్‌లో ‘మనం’ సినిమా వచ్చిన సంగతి తెలిసిందే. అక్కినేని హీరోలంతా కలిసి నటించిన ఆ సినిమా దర్శకుడిగా విక్రమ్‌కు మంచి గుర్తింపు తీసుకొచ్చింది.