Naga Shaurya: ‘రంగబలి’ వస్తోంది

నాగశౌర్య కథానాయకుడిగా పవన్‌ బాసంశెట్టి తెరకెక్కిస్తున్న చిత్రం ‘రంగబలి’. ఎస్‌ఎల్‌వి సినిమాస్‌ పతాకంపై సుధాకర్‌ చెరుకూరి నిర్మిస్తున్నారు. ఈ సినిమా జులై 7న థియేటర్లలోకి రానుంది. ఈ విషయాన్ని చిత్ర బృందం గురువారం అధికారికంగా ప్రకటించింది. ఈ మేరకు విడుదల తేదీతో కూడిన నాగశౌర్య కొత్త లుక్‌ను సామాజిక మాధ్యమాల్లో పంచుకుంది. అందులో శౌర్య ట్రెండీ లుక్‌లో చుట్టూ ఉన్న వారికి అభివాదం చేస్తూ కనిపించారు. ప్రస్తుతం చిత్రీకరణ ముగింపు దశలో ఉంది. హీరోయిన్‌, ఇతర వివరాల్ని త్వరలో వెల్లడించనున్నారు. ఈ సినిమాకి సంగీతం: పవన్‌ సి.హెచ్‌, ఛాయాగ్రహణం: దివాకర్‌ మణి.