Naga Shaurya: నాగశౌర్య ‘వివాహ భోజనంబు’.. ఏర్పాట్లు చూస్తే వావ్‌ అనాల్సిందే!

బెంగళూరు: ఎవరైనా సెలబ్రిటీ వివాహం చేసుకోబోతున్నారనే విషయం తెలియడమే ఆలస్యం చాలామంది ఆసక్తి చూపిస్తారు. ఎవరిని? ఎప్పుడు? ఎక్కడ? చేసుకుంటున్నారంటూ ఆరా తీస్తుంటారు. వివాహమైందంటే.. ఎంతమంది అతిథులు వెళ్లారు? ఏర్పాట్లు ఎలా ఉన్నాయ్‌? అనే వాటికి సమాధానం కోసం వెతుకుతుంటారు. నటుడు నాగశౌర్య (Naga Shaurya) పెళ్లి విషయంలోనూ ఇదే పరిస్థితి. బెంగళూరుకు చెందిన ఇంటీరియర్‌ డిజైనర్‌ అనూష శెట్టిని ఆయన ఆదివారం వివాహమాడారు. నగరంలోని ఓ ఫైవ్‌స్టార్‌ హోటల్‌లో జరిగిన వీరి వివాహ వేడుకకు ఇరు కుటుంబ పెద్దలు, సన్నిహితులు, పలువురు సినీ ప్రముఖులు హాజరయ్యారు.
సంబంధిత దృశ్యాలు నెట్టింట అందరి దృష్టిని ఆకర్షించాయి. ముఖ్యంగా,  భోజనం కోసం చేసిన ఏర్పాట్లను అద్వితీయం అంటూ నెటిజన్లు కామెంట్లు పెడుతున్నారు. ‘ఈ తరహా పంక్తి భోజనం చూసి చాలా కాలమైంది’ అని పలువురు చెబుతున్నారు. ఒక్కో అతిథికి ఒక్కో టేబుల్‌ను అరేంజ్‌ చేయటం, వడ్డించే వారు పంచెను ధరించడం.. సెంట్రాఫ్‌ అట్రాక్షన్‌ అయ్యాయి. వాటిని మీరూ చేసేయండి..