బ్రేక్‌ ఇవ్వడానికి నేను రెడీ: నాగబాబు

హైదరాబాద్‌: తన మనుసు దోచిన ఓ నెటిజన్‌కు బ్రేక్‌ ఇవ్వడానికి తాను సిద్ధంగా ఉన్నానని నటుడు నాగబాబు అన్నారు. గత కొంతకాలం నుంచి సోషల్‌మీడియాలో మరింత యాక్టివ్‌గా ఉంటోన్న నాగబాబు తాజాగా ఇన్‌స్టాలో వచ్చిన ఓ వీడియోకి ఫిదా అయ్యారు. ‘లెజండ్‌’, ‘అరవింద సమేత’, ‘బాహుబలి’, ‘మగధీర’ చిత్రాల్లోని యాక్షన్‌ సన్నివేశాలతో కూడిన ఈ వీడియో తనకి ఎంతో నచ్చిందని ఆయన పేర్కొన్నారు. ఆ వీడియోని ఇన్‌స్టా వేదికగా షేర్‌ చేశారు.

‘ఈ ఎడిటర్‌ ఎవరో నాకు వ్యక్తిగతంగా మెస్సేజ్‌ చేస్తే.. బ్రేక్‌ ఇవ్వడానికి నేను సిద్ధంగా ఉన్నాను’ అని ఆయన పోస్ట్‌ పెట్టారు. ప్రస్తుతం ఈ వీడియో నెట్టింట్లో వైరల్‌గా మారింది. ఇక, వృత్తిపరమైన జీవితం విషయానికి వస్తే.. ఓ కామెడీ షోకు న్యాయనిర్ణేతగా ఆయన వ్యవహరిస్తున్నారు. 2019లో విడుదలైన ‘ఏబీసీడీ’ అనే తెలుగు చిత్రంలో ఆయన కీలకపాత్ర పోషించారు. ఆ సినిమా తర్వాత తెలుగులో ఏ ఇతర సినిమాలో నటించలేదు. మరోవైపు, ఈ మధ్యకాలంలో పెయింటింగ్స్‌తోనూ ఆయన నెటిజన్లను ఆకర్షిస్తున్నారు.