జులైలోనే ‘బంగార్రాజు’ ప్రారంభం?

ఇంటర్నెట్‌ డెస్క్: ఏడేళ్ల క్రితం కల్యాణ్‌ కృష్ణ కురసాల దర్శకత్వంలో నాగార్జున ‘సోగ్గాడే చిన్నినాయనా’ చిత్రంలో బంగార్రాజు - రాముగా ద్విపాత్రాభినయం చేసి మెప్పించారు. ఇప్పుడు అదే చిత్రానికి సీక్వెల్‌గా ‘బంగార్రాజు’ను తెరకెక్కించనున్నారు. ఈ సినిమాకి సీక్వెల్ ఉంటుందని దర్శకుడు కల్యాణ్ ఎప్పుడో ప్రకటించాడు. అయితే చాలా కాలం తర్వాత ఇప్పుడు ఈ సినిమా షూటింగ్‌ జులైలో ప్రారంభించేందుకు సన్నహాలు జరుగుతున్నాయి. ఇందులో నాగ్‌ సరసన రమ్యకృష్ణ నటిస్తోంది. ప్రస్తుతం చిత్రానికి సంబంధించి ప్రీ ప్రొడక్షన్ కార్యక్రమాలు మొదలుపెట్టనున్నారని సమాచారం.

ఆ మధ్య ‘వైల్డ్డాగ్‌’ మీడియా సమావేశంలో నాగార్జున మాట్లాడుతూ..‘బంగార్రాజు’ చిత్రం షూటింగ్‌ను జులైలో ప్రారంభించేందుకు ఏర్పాట్లు చేస్తున్నామని చెబుతూ వచ్చే ఏడాది సంక్రాంతి నాటికి ప్రేక్షకుల ముందుకు తీసుకురావాలని అనుకుంటున్నామని’’ వెల్లడించిన సంగతి తెలిసిందే.