Samantha: సమంతా.. నువ్వు ఫీల్‌ అవుతావని ఆ పోస్ట్‌ పెట్టలేదు: నందినిరెడ్డి

హైదరాబాద్‌: ఫిట్‌నెస్‌ (Fitness) విషయంలో ఎన్నో జాగ్రత్తలు పాటిస్తుంటారు అగ్ర కథానాయిక సమంత (Samantha). తాజాగా ఆమె షేర్‌ చేసిన ఓ ఫిట్‌నెస్‌ వీడియోపై దర్శకురాలు నందిని రెడ్డి (Nandini Reddy) స్పందించారు. సమంత రెండు చేతులతో చేస్తోన్న వర్కౌట్‌ను తాను ఒక్క చేత్తోనే చేశానని చెప్పారు. సామ్‌ ఫీలవుతుందనే కారణంతో ఆ వీడియోను తాను పోస్ట్‌ చేయలేదని సరదాగా అన్నారు. ప్రస్తుతం ఈ వీడియో నెటిజన్ల దృష్టిని ఆకర్షిస్తోంది.

మయోసైటిస్‌ నుంచి కోలుకుంటోన్న సమంత ఇప్పుడిప్పుడే తన తదుపరి ప్రాజెక్ట్‌ ‘సిటాడెల్‌’పై దృష్టి సారించారు. తన పాత్రకు అనుగుణంగా సిద్ధమయ్యే క్రమంలో ఫిట్‌నెస్‌పై మరింత దృష్టి పెట్టారు. ఈ నేపథ్యంలోనే తాజాగా జిమ్‌లో పుల్‌ అప్స్‌ చేస్తోన్న ఓ వీడియోను ఆమె ఇన్‌స్టా వేదికగా షేర్‌ చేశారు. ‘‘ క్లిష్టమైన రోజుల్లో నాకు చేరువై, నాలో స్ఫూర్తి నింపిన ‘హూ ఈజ్‌ గ్రావిటీ’ బ్యాండ్‌కు ధన్యవాదాలు. సాధ్యమైనంత వరకూ కఠినతరమైన డైట్‌లో ఉన్నందువల్ల.. తిన్న ఆహారం వల్లే బలం రాదని.. మన ఆలోచనా విధానం పైనా అది ఆధారపడివుంటుందని నా అభిప్రాయం’’ అని సమంత రాసుకొచ్చారు. దీనిపై పలువురు సినీ తారలు స్పందిస్తూ ఆమెకు మరింత బలం చేకూరాలని కోరుకున్నారు. ఇదిలా ఉండగా దీనిపై నందిని రెడ్డి సైతం ఇలా అన్నారు. నందూ పెట్టిన కామెంట్‌పై పలువురు నెటిజన్లు నవ్వులు పూయిస్తున్నారు.