Dhee 14: కన్నీటి పర్యంతమైన నందితా, ప్రదీప్‌.. భావోద్వేగంగా ‘ఢీ’

ఇంటర్నెట్‌ డెస్క్‌: ఎప్పుడూ డ్యాన్సులు, నవ్వులతో సందడిగా ఉండే ‘ఢీ 14’ వేదికపై భావోద్వేగం చోటుచేసుకుంది. తమను పెంచి, పెద్ద చేసిన తల్లిదండ్రులను భారంగా భావించే వారికి కునువిప్పు కలిగేలా ఓ స్కిట్‌ ఈ షోలో ప్రదర్శితమైంది. ఈ నేపథ్యంలో తన తండ్రిని తలచుకుని న్యాయనిర్ణీతల్లో ఒకరైన నందితా శ్వేత కంటతడి పెట్టుకుంది. ఇటీవల మరణించిన తన తండ్రిని గుర్తుచేసుకుని భావోద్వేగానికి లోనైంది. మరోవైపు, తన తండ్రిని తలచుకుని కార్యక్రమ వ్యాఖ్యాత ప్రదీప్‌ ఎమోషన్‌ అయ్యారు. అనంతరం, టీమ్‌ లీడర్లు హైపర్‌ ఆది, రవి అలనాటి హీరోలను తలపించేలా రెడీ అయి, తమదైన శైలిలో కామెడీ పండించారు. ‘డీజే టిల్లు’ పాటకు డ్యాన్స్‌ చేసి అలరించారు. ‘నీలి నీలి ఆకాశం’ పాటను విచారంగా ఆలపించిన ఆది అందరినీ కడుపుబ్బా నవ్వించాడు. ఈ ఫన్‌ అండ్‌ ఎమోషన్‌ ఎపిసోడ్‌ ‘ఈటీవీ’లో బుధవారం రాత్రి 9:30 గం.లకు ప్రసారంకానుంది.