Nani: 30వ చిత్రం.. 21న

ఒకవైపు ‘దసరా’ (dasara) థియేటర్లలో సందడి చేస్తుండగానే... మరోవైపు నాని (Nani) కొత్త చిత్రం విడుదల తేదీ ఖరారైంది.  ఆయన కథానాయకుడిగా నటిస్తున్న 30వ చిత్రం క్రిస్మస్‌ సీజన్‌లో...డిసెంబరు 21న ప్రేక్షకుల ముందుకు రానుంది. ఆ విషయాన్ని చిత్రబృందం శనివారం అధికారికంగా వెల్లడించింది. శౌర్య అనే కొత్త దర్శకుడు తెరకెక్కిస్తున్న చిత్రమిది. వైరా ఎంటర్‌టైన్‌మెంట్స్‌ పతాకంపై మోహన్‌ చెరుకూరి నిర్మిస్తున్నారు. ఈ సినిమాలో నాని ఓ చిన్నారికి తండ్రిగా నటిస్తున్నారు. తండ్రీ కూతుళ్ల బంధం ప్రధానంగా సాగే చిత్రమని స్పష్టమవుతోంది. నానికి జోడీగా ‘సీతారామం’ ఫేమ్‌ మృణాల్‌ ఠాకూర్‌ నటిస్తున్నారు. ప్రస్తుతం గోవాలో చిత్రీకరణ జరుగుతోంది.