Nani: ఒక్క భాగమే కానీ.. ‘‘దసరా’’ గురించి ఆసక్తికర ట్వీట్‌ చేసిన నాని

హైదరాబాద్‌: నాని(Nani) హీరోగా నటిస్తోన్న తాజా చిత్రం ‘‘దసరా’’ (Dasara). జనవరి 30న టీజర్‌ విడుదలవ్వనుంది. అయితే కొన్ని రోజుల నుంచి ఈ చిత్రానికి సంబంధించి ఓ వార్త నెట్టింట వైరల్‌ అవుతోంది. ఈ సినిమా రెండు భాగాలుగా వస్తుందనే వార్త సోషల్‌మీడియాలో షేర్‌ అవుతోంది. దీనిపై తాజాగా నాని ట్వీట్‌ చేశాడు.

‘‘ఒకటే భాగం. కానీ, రెండు కంటే ఎక్కువ సినిమాల పవర్‌ ఇందులో ఉంటుంది’’ అని ట్వీట్‌ చేశారు. ఇది చూసిన అభిమానులు సినిమా విశేషాలు చెప్పాలంటూ కామెంట్స్‌ పెడుతున్నారు. శ్రీకాంత్‌ ఓదెల దర్శకుడిగా పరిచయం కానున్న ఈ మూవీ మార్చి30న ప్రేక్షకుల ముందుకు రానుంది. తెలుగు, తమిళ, కన్నడ, మలయాళ, హిందీ భాషల్లో ప్రేక్షకులను అలరించనుంది. ఇందులో నాని సరసన కీర్తి సురేష్‌ (Keerthy Suresh) ఆడిపాడనుంది. సంతోష్‌ నారాయణ్‌ సంగీతం అందిస్తున్న ఈ పక్కా మాస్‌ ఎంటర్‌టైనర్‌ను శ్రీలక్ష్మి వెంకటేశ్వర క్రియేషన్స్‌ బ్యానర్‌పై సుధాకర్‌ చెరుకూరి తెరకెక్కిస్తున్నారు.

ఇక ఈ సినిమా తర్వాత నాని శౌర్యువ్‌ అనే మరో కొత్త దర్శకుడితో సినిమా(#nani30) చేయనున్నారు. ఈ సినిమాలో ఆయన సరసన సీతారామం బ్యూటీ మృణాల్‌ ఠాకుర్‌ హీరోయిన్‌గా నటిస్తోంది.