Published : 01 Jul 2022 20:59 IST

Dasara: భారీ సెట్లో నాని ‘దసరా’ కీలక సన్నివేశాల చిత్రీకరణ

ఇంటర్నెట్ డెస్క్‌: నాని, కీర్తి సురేశ్‌ జంటగా శ్రీకాంత్‌ ఓదెల దర్శకత్వంలో తెరకెక్కుతున్న చిత్రం ‘దసరా’. పాన్‌ ఇండియా స్థాయిలో రానున్న ఈ చిత్రం టీజర్‌ ఇటీవల విడుదలై ఆకట్టుకుంది. అయితే ఈ చిత్ర షూటింగ్‌ నిలిచిపోయిందంటూ ఈ మధ్య కాలంలో సోషల్‌మీడియాలో రేగిన దుమారాన్ని కొట్టిపడేస్తూ ‘దసరా’ డైరెక్టర్‌ శ్రీకాంత్‌ ఓదెల ట్విటర్‌లో ఒక ఫన్నీ ఫొటోతో జవాబిచ్చారు. ఈ క్రమంలో ‘దసరా’ తదుపరి షెడ్యూల్‌ను ప్రారంభిస్తున్నట్లు చిత్రబృందం వెల్లడించింది. సుదీర్ఘమైన ఈ షెడ్యూల్‌ కోసం ప్రధాన తారాగణమంతా షూటింగ్‌లో పాల్గొంటున్నారు. దీనికోసం హైదరాబాద్‌ శివార్లలో ఒక భారీసెట్‌ రూపొందించారు. ఈ షెడ్యూల్‌లో కీలక సన్నివేశాల చిత్రీకరణ జరుగుతోంది. నాని, కీర్తి సురేశ్‌లపై ప్రేమ్‌ రక్షిత్‌ మాస్టర్‌ కొరియోగ్రఫిలో ౫౦౦మంది గ్రూప్‌ డ్యాన్సర్లతో ఓ పాట చిత్రీకరించనున్నారు. చివరి షెడ్యూల్‌లో స్టంట్‌ డైరెక్టర్‌ అన్బరీవ్‌ ఆధ్వర్యంలో భారీ యాక్షన్‌ సన్నివేశాన్ని చిత్రీకరిస్తారు. సముద్రఖని, సాయికుమార్‌ ఈ చిత్రంలో ప్రధాన పాత్రలు పోషిస్తున్నారు. తెలంగాణా గ్రామీణ నేపథ్యంలో, బొగ్గుగనుల ఇతివృత్తంగా ఈ సినిమా కథ ఉంటుందన్నట్లు సమాచారం.

Read latest Movies News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని