Naveen Polishetty: ఆ ఫొటోలు చూసి కత్రినా-విక్కీ కుళ్లుకోవాలి!

హైదరాబాద్‌: ‘ఏజెంట్‌ సాయి శ్రీనివాస ఆత్రేయ’, ‘జాతిరత్నాలు’ చిత్రాలతో తెలుగు ప్రేక్షకులకు దగ్గరైన యువ కథానాయకుడు నవీన్‌ పొలిశెట్టి. ఆయన కథానాయకుడిగా కల్యాణ్‌ శంకర్‌ దర్శకత్వంలో ఓ చిత్రం తెరకెక్కుతున్న సంగతి తెలిసిందే. సంక్రాంతి సందర్భంగా ఈ సినిమా టైటిల్‌ టీజర్‌ను చిత్ర బృందం విడుదల చేసింది. ‘అనగనగా ఒక రాజు’ అంటూ విడుదల చేసిన ఈ వీడియోలో నవీన్‌ హంగామా నవ్వులు పంచుతోంది. ‘నేను చెప్పకూడదు కానీ, ఈ దశాబ్దంలో అలరించే కార్యక్రమం ఇదే. థియేటర్లలో మీరే చూస్తారుగా’ అంటూ నవీన్‌ పలికిన సంభాషణలు అలరిస్తున్నాయి. సితార ఎంటర్‌టైన్‌మెంట్‌ పతాకంపై తెరకెక్కుతున్న ఈ సినిమాను నాగవంశీ, సాయి సౌజన్య నిర్మిస్తున్నారు. తమన్‌ సంగీతమందిస్తున్నారు.