Nayanthara: అలా కనిపిస్తేనే అభిమానులకు ‘నయనా’నందం.. బర్త్డే స్పెషల్
నయనతార పుట్టినరోజు సందర్భంగా ఆమె గురించి కొన్ని విశేషాలు.
ఇంటర్నెట్ డెస్క్: మీడియా ముందుకు వచ్చేందుకు ఇష్టపడని హీరోయిన్, ఎక్కువ సినిమాలు చేసిన కథానాయిక ఎవరు? సినీ అభిమానులంతా టక్కున చెప్పే సమాధానం నయనతార. ‘దుర్గ’లా అమాయకంగా కనిపించాలన్నా, ‘సాషా’గా గ్లామర్ డోస్ పెంచాలన్నా, ‘గాయత్రి’గా హోమ్లీగా ఉండాలన్నా, ‘దేవిక’గా అన్యాయాన్ని ఎదిరించాలన్నా.. ఇలా ఎలాంటి పాత్రకైనా పూర్తి న్యాయం చేయగలదనే విశ్వాసానికి ప్రతిరూపం నయనతార. ఈ తార పుట్టినరోజు సందర్భంగా ఆమె గురించి కొన్ని ఆసక్తికర అంశాలు..
ముందు నుంచే నటికావాలనుకున్నారా?
లేదు. కేరళలోని తిరువల్లాకు చెందిన నయనతార బాల్యమంతా గుజరాత్లోని జామ్నగర్లో గడిచింది. ఆంగ్ల సాహిత్యంలో బీఏ పూర్తి చేశారు. తర్వాత సీఏ కావాలనుకున్నారు. కానీ, సినిమా కథలో ట్విస్ట్ల్లానే ఆమె జీవితం మలుపు తిరిగింది. అదెలా అంటే.. యాడ్ ఏజెన్సీ నిర్వహించే నయన్ పెదనాన్న ఆమె ఫొటోలు తీసి పలు ప్రకటన సంస్థలకు పంపించేవారు. వాటిని చూసిన మలయాళీ దర్శకుడు సత్యన్ అంతిక్కండ్.. తన సినిమాలో చేయమని నయన్ను అడిగారు. ఇదే విషయాన్ని ఇంట్లో చెప్పగా కుటుంబ సభ్యులు ఆమె నిర్ణయానికే వదిలేశారు. కొన్ని రోజుల పాటు తీవ్ర మథనం తర్వాత నయన్ నటించేందుకు అంగీకరించారు.
ఎన్ని సినిమాలు చేశారు?
ఆమె నటించిన తొలి చిత్రం ‘మనసినక్కరే’ (2003). తర్వాత మోహన్లాల్తో రెండు సినిమాలు చేసి, ‘అయ్యా’తో కోలీవుడ్లోకి ఎంట్రీ ఇచ్చారు. రజనీకాంత్ ‘చంద్రముఖి’లో ఓ కీ రోల్ పోషించడంతో నయన్ కెరీర్ గ్రాఫ్ మారిపోయింది. ఈ డబ్బింగ్ చిత్రంతోనే తెలుగు ప్రేక్షకులకు పరిచయమైన నయన్.. నేరుగా తెలుగులో నటించిన తొలి సినిమా ‘లక్ష్మీ’. ఇది మంచి విజయం అందుకోవడంతో టాలీవుడ్లో ఆమెకు అవకాశాలు వరుసకట్టాయి. ‘బాస్’, ‘దుబాయ్ శీను’, ‘తులసి’, ‘అదుర్స్’, ‘బాడీగార్డ్’, ‘సింహా’, ‘ శ్రీరామ రాజ్యం’, ‘కృష్ణం వందే జగద్గురుమ్’, ‘బాబు బంగారం’, ‘సైరా’, ‘గాడ్ఫాదర్’.. ఇలా ఎన్నో సినిమాల్లో విభిన్న పాత్రల్లో తన నటనతో మెరిసి దటీజ్ నయనతార అనిపించుకుంది. తెలుగు, మలయాళం, తమిళం, కన్నడ భాషల్లో నటించిన నయన్ ఇటీవల తన 75వ చిత్రాన్ని ప్రకటించింది. ఓ కథానాయిక ఇన్ని సినిమాలు చేయడం విశేషమే. ఈ తరం హీరోయిన్ల (దక్షిణాది)లో అత్యధిక చిత్రాల్లో నటించిన ఘనత కూడా ఆమెదే. ఓవైపు కమర్షియల్ చిత్రాల్లో నటిస్తూనే నాయికా ప్రాధాన్య సినిమాలతో ప్రేక్షకుల్ని ఎంతగానో మెప్పించారు.
మీడియా ముందుకు ఎందుకురారు?
ఇదే ప్రశ్న నయన్ను అడిగితే ‘‘ఎక్కువగా మాట్లాడటాన్ని నేను ఇష్టపడను. మితభాషిని. ఎప్పుడో ఒక్కసారి మీడియా ముందుకొస్తే ఎన్నో విషయాలు అడుగుతారు.. నేను వివరించొచ్చు. కానీ, పదేపదే వచ్చాననుకోండి మీడియా అడిగేందుకు ప్రశ్నలూ ఉండవు, నేనూ ఏం చెప్పలేను’’ అని ఓ సందర్భంలో నవ్వుతూ చెప్పారు నయన్.
ఇన్నేళ్ల కెరీర్ సాఫీగా సాగిందా?
నయన్ కెరీర్లో 2010 ప్రత్యేకం. ఆ ఏడాది తెలుగులో ‘సింహా’, తమిళంలో ‘బాస్: ఎంగిర భాస్కరన్’, మలయాళంలో ‘బాడీగార్డ్’, కన్నడలో ‘సూపర్’ ఆమెకు తిరుగులేని విజయాన్ని అందించాయి. నాలుగు భాషల్లో సూపర్హిట్ అందుకోవడమంటే మామూలు విషయం కాదు. ఈ ఉత్సాహంతో రాకెట్లా దూసుకెళ్లాల్సిన సమయంలో నయన్ కొన్ని సమస్యల కారణంగా సినిమాలకు దూరమైంది. తర్వాత సమస్యలను అధిగమించి కమ్బ్యాక్ ఇచ్చింది. ఆమెపై పలు గాసిప్స్ వస్తే తొలినాళ్లలో బాధపడినా తర్వాత స్పందించడం మానేశారు.
చీరకట్టులోనే చూస్తామన్నారట..
తన తొలి తమిళ సినిమా ‘అయ్యా’తోనే అక్కడ ఎంతోమంది అభిమానుల్ని సొంతం చేసుకొన్నారు నయనతార. అందులోని పాత్రకు తగ్గట్టే బయటా చీరకట్టులోనే కనిపించండని చాలామంది ఆమెను కోరారట. వారి విజ్ఞప్తికి నయన్ నో చెప్పలేదు. కళ్లద్దాలు, ముక్కెర, బూట్లు ధరించడాన్ని ఎక్కువగా ఇష్టపడుతుంది.
ప్రేమ.. పెళ్లి
‘‘బ్రేకప్లేని జీవితం ఉండదుగా?’’ అని ఒకానొక సమయంలో అనుకున్న నయన్.. దర్శకుడు విఘ్నేశ్ శివన్తో ప్రేమలో పడిన సంగతి తెలిసిందే. ‘నానుమ్ రౌడీ ధాన్’ (2015) అనే సినిమాతో వీరి పరిచయం మొదలై, అది ప్రేమగా మారి తర్వాత దంపతులను చేసింది. ఈ జంటకు ఇద్దరు మగ కవలలు. 38వ వసంతంలోకి అడుగుపెడుతోన్న డయానా మరియమ్ కురియన్ అలియాస్ నయనతారకు పుట్టినరోజు శుభాకాంక్షలు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
నాయికలు ‘తెర’ పంచుకుంటే.. వినోదం పెంచినట్టే
త్వరలో విడుదల కాబోయే సినిమాలు ప్రేక్షకులకు రెట్టింపు వినోదాన్ని పంచడానికి సిద్ధమవుతున్నాయి. అందుకు కారణం ఒకే మూవీలో ఇద్దరు/ ముగ్గురు హీరోయిన్లు కలిసి నటిస్తుండటమే.. -
సీనియర్ హీరోయిన్ల జోరు ‘తగ్గేదే లే’.. ఎవరెన్ని సినిమాలతో బిజీగా ఉన్నారంటే?
టాలీవుడ్ సీనియర్ హీరోయిన్లపై ప్రత్యేక కథనం. త్రిష, నయనతార, తమన్నా.. ఇలా ఎవరెవరు ఎన్ని సినిమాలతో సందడి చేసేందుకు సిద్ధంగా ఉన్నారంటే? -
పృథ్వీరాజ్ సుకుమారన్ బెస్ట్ మూవీస్.. ఇప్పుడు ‘ఆడుజీవితం’.. ఇంతకుముందు?
పృథ్వీరాజ్ సుకుమారన్ నటించిన ఉత్తమ చిత్రాలు ఏంటంటే..? -
ఆ అవార్డు అందుకున్న తొలి వ్యక్తిని నేనే అని తెలిసి షాకయ్యా.. అల్లు అర్జున్
నటుడు అల్లు అర్జున్ (Allu Arjun) పుట్టినరోజు నేడు. ఈ సందర్భంగా ఆయనకు సంబంధించిన పలు ఆసక్తికర విశేషాలు. -
రికార్డుల్లోనూ ఫస్టే ఈ నేషనల్ క్రష్.. రష్మిక ఖాతాలో ఘనతలెన్నో!
రష్మిక పుట్టినరోజు సందర్భంగా ఆమె సొంతంచేసుకున్న కొన్ని రికార్డులను చూద్దాం.. -
రామ్ చరణ్ బర్త్డే.. ఆయన బాల్యం గురించి ఈ విశేషాలు తెలుసా..?
టాలీవుడ్ ప్రముఖ హీరో రామ్ చరణ్ పుట్టినరోజు నేడు. ఈ సందర్భంగా ఆయన గురించి కొన్ని విశేషాలు.. -
Challenging Roles: పాత్రలకు ప్రాణం పోశారు.. పృథ్వీరాజ్ సుకుమారన్ ఇలా.. విక్రమ్ అలా!
పాత్రలకు ప్రాణం పోసేందుకు మానసికంగా, శారీరకంగా ఎంతగానో శ్రమించిన నటులు, వారి సినిమాల వివరాలివీ.. -
Tollywood Actresses: అగ్ర నాయికలు అలా రూటు మార్చి.. హాట్టాపిక్గా నిలిచి!
అగ్ర కథానాయిక- వర్ధమాన హీరో కాంబినేషన్లో వచ్చిన సినిమాల విశేషాలు.. -
Actors turned Directors: ధనుష్, ఉపేంద్ర, కంగన.. మళ్లీ మరో కోణాన్ని చూపించేందుకు...
స్వీయ దర్శకత్వంలో నటించిన హీరో/హీరోయిన్పై ప్రత్యేక కథనం. ఎవరు ఏ సినిమాతో అలరించేందుకు సిద్ధమయ్యారంటే? -
Alia Bhatt: అందుకు క్లాస్లో బెంచీలు తుడిచి.. బ్యాగ్రౌండ్ ఉన్నా ఆడిషన్ ఇచ్చి: అలియా భట్ బర్త్డే స్పెషల్
అలియా భట్ పుట్టినరోజు సందర్భంగా ఆమె గురించి పలు విశేషాలు.. -
Mamitha Baiju: గిరిజ, సాయి పల్లవిలా మమితా బైజు.. రాజమౌళి మెచ్చిన ఈ నటి ఎవరు?
యంగ్ హీరోయిన్ మమితా బైజును అగ్ర దర్శకుడు ప్రశంసించడం అందరి దృష్టినీ ఆకర్షించింది. ఎవరీ నటి? -
Comedians as Heros: కమెడియన్లు.. కథానాయకులై.. ఎవరెవరు ఏ సినిమాతో అలరించారంటే?
కమెడియన్లుగా కెరీర్ని ప్రారంభించి హీరోగాను సినిమాలు చేస్తున్న నటులపై ప్రత్యేక కథనం.. -
Krystyna Pyszkova: మనిషే కాదు.. మనసూ అందమే: మిస్ వరల్డ్ క్రిస్టినా గురించి ఆసక్తికర విశేషాలివీ
ప్రపంచ సుందరి-2024 కిరీటం దక్కించుకున్న క్రిస్టినా పిస్కోవా గురించి ఆసక్తికర విశేషాలు మీకోసం.. -
Miss World Pageant: తొలుత ‘బికినీ కాంటెస్ట్’గా.. 28 ఏళ్ల తర్వాత భారత్ ఆతిథ్యం.. ‘మిస్ వరల్డ్’ పోటీల సంగతులివీ!
భారత్ ఆతిథ్యంలో 71వ ఎడిషన్ ‘మిస్ వరల్డ్’ పోటీలు జరుగుతున్నాయి. శనివారం విజేతను ప్రకటించనున్నారు. ఈ సందర్భంగా ఈ అందాల పోటీల గురించి పలు ఆసక్తికర విశేషాలు.. -
Sini Shetty: మిస్ వరల్డ్ పోటీలు.. ‘బెస్ట్ డిజైనర్ డ్రెస్’ విజేతగా సినిశెట్టి
మిస్ వరల్డ్ 2024 పోటీల్లో భారత్కు ప్రాతినిధ్యం వహిస్తున్న సినిశెట్టి గురించి ఆసక్తికర విశేషాలివీ.. -
Movies in March: మార్చిలో మురిపించే చిత్రాలు.. వరుణ్ తేజ్ అలా.. ‘టిల్లు’ ఇలా!
మార్చిలో విడుదల కానున్న సినిమాలపై ప్రత్యేక కథనం. ఏ హీరో చిత్రం ఏ రోజు ప్రేక్షకుల ముందుకు రానుందంటే? -
Valentine Day: వాలంటైన్స్ డేకు రీరిలీజ్ కానున్న ప్రేమకథా చిత్రాలివే..
వాలంటైన్స్ డే సందర్భంగా గతంలో అలరించిన ప్రేమ కథాచిత్రాలు మరోసారి వినోదాన్ని పంచేందుకు సిద్ధమయ్యాయి. -
తొలి సినిమా ఫ్లాప్.. ‘బండమొహం వీడేం హీరో’ అన్నారు.. రీల్ కెరీర్ To పొలిటికల్ ఎంట్రీ.. విజయ్ లైఫ్ జర్నీ ఇదే!
Actor vijay: తల్లిదండ్రులకు సినీ నేపథ్యం ఉన్నా, నటుడిగా తనకంటూ తమిళనాట గుర్తింపు తెచ్చుకున్న విజయ్.. రాజకీయాల్లోకి అడుగు పెట్టారు. ఈ క్రమంలో ఇప్పటివరకూ ఆయన లైఫ్ జర్నీ ఎలా సాగింది? -
Jeethu Joseph: 17 సినిమాలు.. మూడే ఫ్లాప్లు.. చైనీస్, ఇండోనేషియా, కొరియాలోనూ రీమేక్ అయిన మొదటి భారతీయ సినిమా ఆయనదే!
Jeethu Joseph: మోహన్లాల్ కథానాయకుడిగా జీతూ జోసెఫ్ తెరకెక్కించిన ‘నెరు’ ఓటీటీలో దూసుకుపోతోంది. ఈ క్రమంలో జీతూ గురించి ఆసక్తికర విషయాలు.. -
Chiranjeevi: ఆ అవమానమే.. సుప్రీం హీరోను మెగాస్టార్ చేసింది: పద్మ విభూషణ్ చిరంజీవి ప్రయాణమిది!
ప్రముఖ నటుడు చిరంజీవికి అత్యున్నత పురస్కారాల్లో ఒకటైన ‘పద్మ విభూషణ్’ అవార్డు వరించింది. ఈ సందర్భంగా ఆయన గురించి ప్రత్యేక కథనం.. -
Salaar Part 2: ఈ ప్రశ్నలకు సమాధానం... ‘సలార్-2: శౌర్యాంగ పర్వం’ చెబుతుంది!
‘సలార్’ పార్ట్-1 చూసిన వారందరూ ఇప్పుడు పార్ట్-2 ‘శౌర్యాంగ పర్వం’ కోసం ఎదురు చూస్తున్నారు. మరి ఈ భాగంలో ఏయే ప్రశ్నలకు సమాధానం లభించనుంది?
తాజా వార్తలు (Latest News)
-
ఇరాన్ అదుపులో నౌక.. భారత సిబ్బందిలోని కేరళ యువతి క్షేమంగా ఇంటికి..
-
ముంబయి గెలవాలంటే.. హార్దిక్ ఫామ్ అందుకోవడం అత్యవసరం: ఫించ్
-
తెదేపా అభ్యర్థులకు ఈనెల 21న బీఫామ్లు ఇవ్వనున్న చంద్రబాబు
-
ఈనాడు.నెట్లో టాప్ 10 వార్తలు @ 5 PM
-
బేబీ ఫుడ్లో చక్కెర.. వివరణ ఇచ్చిన నెస్లే ఇండియా
-
మంగళగిరిలో నారా లోకేశ్ నామినేషన్.. తెదేపా శ్రేణుల భారీ ర్యాలీ