Nayanthara: చావు బతుకుల పోరాటం!

‘అనామిక’, ‘కర్తవ్యం’ వంటి కథానాయిక ప్రాధాన్యమున్న చిత్రాలతో మెప్పించిన నటి ‘నయనతార’. తను నటిస్తున్న కొత్త చిత్రం ‘ఓ 2’. తాజాగా ఈ ట్రైలర్‌ విడుదలైంది. నయనతార, ఇతర ప్రయాణికులతో వెళుతున్న బస్సు ఒక లోయలో పడిపోతుంది. అందులో ఉన్నవారు తమ ప్రాణాలు కాపాడుకోవడం కోసం ఏం చేశారన్నది కథ. ఈ విపత్కర పరిస్థితుల్లో కథానాయిక వాళ్లని రక్షిస్తుందా అన్నది ఆసక్తికరం. చావు, బతుకుల మధ్య ఉత్కంఠ పోరాటంలా దర్శకుడు జీఎస్‌ వెంకటేష్‌ ఈ చిత్రాన్ని తెరకెక్కించాడు. విశాల్‌ చంద్రశేఖర్‌ సంగీతం సమకూర్చిన ఈ సినిమా నేరుగా హాట్‌స్టార్‌లో విడుదల కానుంది. దీనితో పాటు ‘గాడ్‌ఫాదర్‌’, ‘గోల్డ్‌’ చిత్రాల్లో నయనతార నటిస్తోంది.