Nayanthara: నేనూ క్యాస్టింగ్‌ కౌచ్‌ ఎదుర్కొన్నా.. నయనతార షాకింగ్ కామెంట్స్‌

ఇంటర్నెట్‌డెస్క్‌: సినీ పరిశ్రమలో క్యాస్టింగ్ కౌచ్‌ (Casting Couch) ఉందంటూ అగ్రకథానాయిక నయనతార (Nayanthara) షాకింగ్‌ కామెంట్స్‌ చేశారు. ఇండస్ట్రీలోకి అడుగుపెట్టిన సమయంలో తానూ క్యాస్టింగ్‌ కౌచ్‌ ఎదుర్కొన్నానంటూ ఇటీవల ఓ ఇంటర్వ్యూలో ఆసక్తికర వ్యాఖ్యలు చేశారు. గతంలో తనకు ఓ భారీ ప్రాజెక్ట్‌లో కీలకపాత్ర పోషించే అవకాశం వచ్చిందని.. అందులో నటించాలంటే తమకు నచ్చినట్టుగా ఉండాలని, వాళ్లు అడిగింది చేయాలని కోరారని నయన్‌ తెలిపారు.

అయితే, తన టాలెంట్‌పై ఉన్న నమ్మకంతో ఆ అవకాశాన్ని సున్నితంగా తిరస్కరించినట్లు నయన్‌ చెప్పారు. ప్రస్తుతం ఈ వ్యాఖ్యలు అంతటా చర్చనీయాంశంగా మారాయి. క్యాస్టింగ్‌ కౌచ్‌పై ఇప్పటికే పలువురు నటీమణులు సోషల్‌మీడియాలో తమ గళాన్ని విప్పిన విషయం తెలిసిందే. ఇక సినిమాల విషయానికొస్తే.. నయనతార నటించిన ‘కనెక్ట్‌’ గతేడాది విడుదలైంది. విరామమే లేని చిత్రంగా విడుదలైన ఇది మంచి టాక్‌ను అందుకుంది. ప్రస్తుతం ఆమె ‘జవాన్‌’ కోసం పనిచేస్తున్నారు. అట్లీ దర్శకత్వంలో షారుఖ్‌ హీరోగా ఇది తెరకెక్కుతోంది.