Acharya: ‘ఆచార్య’.. నీలాంబరి ఫుల్‌ వీడియో చూశారా!

ఇంటర్నెట్‌ డెస్క్‌: చిరంజీవి, రామ్‌ చరణ్‌ కలిసి నటించిన చిత్రం ‘ఆచార్య’ (Acharya). ఈ సినిమాలోని హిట్‌ గీతాల్లో ‘నీలాంబరి’ (Neelambari) ఒకటి. సినిమా విడుదలకు ముందే ఈ పాట లిరికల్‌ వీడియో శ్రోతలను విశేషంగా ఆకట్టుకుంది. ఇప్పుడు ఫుల్‌ వీడియో అలరిస్తోంది. రామ్‌చరణ్‌, పూజాహెగ్డేపై తెరకెక్కిన ఈ వినసొంపైన గీతాన్ని చిత్ర బృందం సోషల్‌ మీడియా వేదికగా గురువారం విడుదల చేసింది. చరణ్‌- పూజా లుక్స్‌, హావభావాలతో అందరినీ తమవైపు తిప్పుకునేలా ఉన్నారు. అనంత శ్రీరామ్‌ రచించిన ఈ పాటను అనురాగ్‌ కులకర్ణి, రమ్య బెహర ఆలపించారు. మణిశర్మ స్వరాలందించారు. కొరటాల శివ దర్శకత్వం వహించిన ఈ చిత్రంలో చిరంజీవి (Chiranjeevi) ఆచార్యగా, చరణ్‌ (Ram Charan) సిద్ధగా నటించిన సంగతి తెలిసిందే.