అల‌రిస్తోన్న‘నీలి నీలి ఆకాశం’ న‌యా వెర్ష‌న్

ఇంట‌ర్నెట్ డెస్క్‌: సంగీత ప్రియుల్ని ఓల‌లాడించిన పాటల్లో ‘నీలి నీలి ఆకాశం’ ఒక‌టి. ‘30 రోజుల్లో ప్రేమించ‌డం ఎలా?’ చిత్రంలోనిది ఈ గీతం. విడుద‌లైన అన‌తి కాలంలోనే కొన్ని కోట్ల హృద‌యాల్ని మీటి యూ ట్యూబ్‌లో రికార్డు సృష్టించింది. చిన్న పిల్ల‌ల నుంచి పెద్ద‌ల వ‌ర‌కు అన్ని వ‌ర్గాల శ్రోత‌ల్ని విప‌రీతంగా ఆకట్టుకుంది. సిధ్ శ్రీరామ్, సునీత గానం, చంద్ర‌బోస్ సాహిత్యం, అనూప్ రూబెన్స్ సంగీతం అద్భుతంగా నిలిచిన ఆ సుమ‌ధుర గీతాన్ని  క‌వ‌ర్ సాంగ్ పేరిట మ‌రోసారి ఆవిష్క‌రించారు. అయితే ఈ సారి మేల్ వెర్ష‌న్‌ని ర‌చ‌యిత చంద్ర‌బోస్ ఆల‌పించగా సునీత త‌న వెర్ష‌న్‌ని పాడారు. అనూప్ సంగీత‌ సార‌థ్యంలో ఈ  నీలి నీలి ఆకాశం క‌వ‌ర్ సాంగ్ రూపొందింది. తాజాగా విడుద‌లై విశేషంగా అల‌రిస్తోంది. ప్ర‌దీప్ మాచిరాజు, అమృత అయ్య‌ర్ జంట‌గా తెర‌కెక్కింది ‘30 రోజుల్లో ప్రేమించ‌డం ఎలా?’. మున్నా ద‌ర్శ‌క‌త్వం వహించారు. ప్ర‌స్తుతం ప్ర‌ముఖ ఓటీటీ అమెజాన్ ప్రైమ్‌లో స్ట్రీమింగ్ అవుతోంది.