Satyadev: చిరుని ఢీ కొట్టేందుకు.. సత్యదేవ్‌ సిద్ధమయ్యారిలా..!

హైదరాబాద్‌: చిరంజీవి (Chiranjeevi) పవర్‌ఫుల్‌ రోల్‌లో నటించిన కొత్త చిత్రం ‘గాడ్‌ఫాదర్‌’ (Godfather). మలయాళీ చిత్రం ‘లూసిఫర్‌’కు రీమేక్‌ ఇది. మోహన్‌రాజా దర్శకుడు, సత్యదేవ్‌, నయనతార కీలకపాత్రల్లో కనిపించనున్నారు. మరో మూడు రోజుల్లో ఈ సినిమా ప్రేక్షకుల ముందుకు రానుంది. ఈ నేపథ్యంలో చిత్రబృందం మేకింగ్‌ వీడియోను షేర్‌ చేసింది. బ్రహ్మ (చిరంజీవి)ను ఢీ కొట్టేందుకు.. జైదేవ్‌ (సత్యదేవ్‌) ఎలా సిద్ధమయ్యారో ఈ వీడియోలో చూపించారు. ఈ సినిమాలో నయనతార భర్తగా సత్యదేవ్‌ కనిపించనున్నారు. పొలిటికల్ థ్రిల్లర్‌గా సిద్ధమైన ఈ సినిమా ప్రచార చిత్రాలు ఇప్పటికే ప్రేక్షకుల్లో ఆసక్తిని రేకెత్తించాయి. బాలీవుడ్‌ నటుడు సల్మాన్‌ఖాన్‌ ఈ సినిమాలో ముఖ్య భూమిక పోషించారు.