Sindhooram: మనసుని హత్తుకునేలా ‘సింధూరం’ కొత్త పాట

హైదరాబాద్‌: శివ బాలాజీ (Siva Balaji), ధర్మ, బ్రిగిడ సాగ ప్రధాన పాత్రల్లో నటించిన సరికొత్త చిత్రం ‘సింధూరం’ (Sindhooram). శ్యామ్‌ తుమ్మలపల్లి దర్శకుడు. గ్రామీణ నేపథ్యంలో సాగే విభిన్నమైన కథతో ఈ సినిమా తెరకెక్కింది. ‘ఆనందమో ఆవేశమో’ అంటూ ఇటీవల ఈ సినిమా నుంచి విడుదలైన మొదటిపాట అతి తక్కువ సమయంలో 1 మిలియన్‌ వ్యూస్‌ సొంతం చేసుకోని విశేష ఆదరణ సొంతం చేసుకుంది. ఈ నేపథ్యంలో తాజాగా ఈ సినిమా నుంచి రెండో పాటను చిత్రబృందం ప్రేక్షకుల ముందుకు తీసుకువచ్చింది. ‘ఓ మాదిరిగా’ అంటూ సాగే ఈ పాటను ప్రముఖ దర్శకుడు పరశురామ్‌ విడుదల చేశారు. పాట బాగుందని, సాహిత్యం చక్కగా కుదిరిందని ఆయన ప్రశంసించారు. అలాగే, సినిమా మంచి విజయం అందుకోవాలని కోరుకున్నారు.