మెగా నివాసంలో ఇలా.. అల్లు వారు అలా.. న్యూ ఇయర్‌ వేడుకల్లో సెలబ్రిటీలు

ఇంటర్నెట్‌డెస్క్‌: నూతన సంవత్సర వేడుకలను (New Year 2023) సినీ తారలు ఎంతో సందడిగా చేసుకున్నారు. కుటుంబసభ్యులు, సన్నిహితులతో కలిసి సరదాగా గడిపారు. కొంతమంది తారలు తమకిష్టమైన ప్రాంతానికి వెళ్లి ఈ వేడుకలు చేసుకోగా.. మరి కొంతమంది తమ ఇంట్లోనే సంతోషంగా నిర్వహించుకున్నారు. అగ్రకథానాయకుడు మెగాస్టార్‌ చిరంజీవి (Chiranjeevi) నివాసంలో జరిగిన న్యూ ఇయర్‌ వేడుకల్లో రామ్‌చరణ్‌ స్నేహితుడు శర్వానంద్‌ పాల్గొన్నారు. చిరు-చరణ్‌తో దిగిన ఓ ఫొటోని ఆయన సోషల్‌మీడియా వేదికగా షేర్‌ చేశారు. చెర్రీ-ఉపాసన దంపతులు ఏర్పాటు చేసిన ఈ పార్టీకి పలువురు ప్రముఖులు హాజరయ్యారు.

ఇక, అల్లు అర్జున్ (Allu Arjun)‌, మహేశ్‌బాబు (MaheshBabu) తమ కుటుంబసభ్యులతో కలిసి టూర్‌కు వెళ్లిన విషయం తెలిసిందే. ఈ మేరకు ఘట్టమనేని ఫ్యామిలీ వేడుకల ఫొటోని నమ్రత షేర్‌ చేయగా.. అల్లు అర్జున్‌ న్యూ ఇయర్‌ సెలబ్రేషన్స్‌కు సంబంధించిన ఓ ఫొటో ప్రస్తుతం నెట్టింట చక్కర్లు కొడుతోంది. ఇక, అలియా భట్‌, అర్జున్‌కపూర్‌, కత్రినా కైఫ్‌తోపాటు పలువురు తారలు.. న్యూ ఇయర్‌ వేడుకల ఫొటోలను ఇన్‌స్టా వేదికగా షేర్‌ చేశారు.