నిహారిక-చైతన్య వివాహం: చిరు అపురూప చిత్రం

హైదరాబాద్‌: ‘మెగా’ డాటర్‌ నిహారిక-చైతన్యల వివాహ వేడుకలు వైభవంగా జరుగుతున్నాయి. ఇరు కుటుంబాలు ఇప్పటికే ఉదయ్‌పూర్‌ చేరుకున్నాయి. సోమవారం రాత్రి జరిగిన సంగీత్‌ వేడుకలో నిహారిక-చైతన్యలతో పాటు మెగా కుటుంబ సభ్యులు సందడి చేశారు. కాబోయే వధూవరులు పలు పాటలకు నృత్యాలు చేశారు. ముఖ్యంగా చిరంజీవి నటించిన చిత్రాల్లోని పాటలకు స్టెప్‌లు వేస్తూ తమదైన శైలిలో అలరించారు.

ఈ సందర్భంగా చిరంజీవి ఓ అపురూప చిత్రాన్ని పంచుకున్నారు. చిన్నప్పుడు నిహారికను ఎత్తుకున్న ఫొటోతో పాటు, ఇటీవల పెళ్లి కుమార్తెను చేసిన తర్వాత దిగిన సెల్ఫీని కలిపి ట్విటర్‌ వేదికగా షేర్‌ చేశారు.

‘‘మా చేతిలో పెరిగిన మా చిన్నారి నిహారికని, చైతన్య చేతిలో పెడుతున్న ఈ శుభ తరుణంలో, కాబోయే  దంపతులకు ముందస్తుగా నా శుభాకాంక్షలు. ఆశీస్సులు’’ ట్విటర్‌లో చిరంజీవి

డిసెంబర్‌ 9న గుంటూరు మాజీ ఐజీ జె.ప్రభాకర్‌రావు కుమారుడు చైతన్య.. నాగబాబు తనయ నిహారికను మనువాడబోతున్నారు. రాత్రి 7 గంటల 15 నిమిషాలకు ఈ శుభకార్యం నిర్వహించనున్నారు.  రాజస్థాన్‌లోని ఉదయ్‌పూర్‌లోని ఉదయ్‌విలాస్‌ ఈ కార్యక్రమానికి వేదిక కాబోతుంది.  

ఇవీ చదవండి..
పెదనాన్న.. ముద్దుల కూతురు.. ఓ సెల్ఫీ
నిహారిక పెళ్లి.. నాగబాబు భావోద్వేగం..!