Karthikeya2: కృష్ణుడు నడిపిస్తున్న కథ

ప్రాణ త్యాగం చేసే తెగింపు ఉంటేనే అక్కడిదాకా వెళ్లగలరు. మరి ఆ త్యాగానికి ఎవరైనా సిద్ధమయ్యారా? ఇంతకీ వెళ్లాల్సిన ఆ చోటు ఏదో తెలియాలంటే ‘కార్తికేయ 2’ (Karthikeya 2) చూడాల్సిందే. నిఖిల్‌ (Nikhil) కథానాయకుడిగా తెరకెక్కుతున్న చిత్రమిది. అనుపమ పరమేశ్వరన్‌(Anupama Parameswaran) కథానాయిక. చందు మొండేటి(Chandoo Mondeti) దర్శకత్వం వహిస్తున్నారు. టి.జి.విశ్వప్రసాద్‌, అభిషేక్‌ అగర్వాల్‌ నిర్మాతలు. జులై 22న చిత్రాన్ని ప్రేక్షకుల ముందుకు తీసుకొస్తున్నారు. శుక్రవారం హైదరాబాద్‌లో ఏర్పాటు చేసిన కార్యక్రమంలో ట్రైలర్‌-1ని విడుదల చేశారు. ‘అసలు కృష్ణుడేమిటి? ఈ కథని ఆయనే నడిపించడమేమిటి?’, ‘విశ్వం ఒక పూసలదండ, ప్రతిదీ నీకు సంబంధమే, ప్రతిదీ నీ మీద ప్రభావమే’ అనే సంభాషణలు ట్రైలర్‌లో వినిపిస్తాయి. ద్వారకా నగరం చుట్టూ సాగే కథతో ఈ సినిమా రూపొందుతున్నట్టు స్పష్టమవుతోంది. కాలభైరవ స్వరాలు సమకూరుస్తున్నారు.