Cinema News: ఓటమి లేని ప్రేమ

శ్రీకాంత్‌ గుర్రం, బుజ్జి నాయకా నాయికలుగా కె.గోవర్ధనరావు దర్శకత్వంలో తెరకెక్కిన చిత్రం ‘నిన్నే చూస్తు’. పోతిరెడ్డి   హేమలతారెడ్డి నిర్మాత. సెన్సార్‌ కార్యక్రమాల్ని పూర్తి చేసుకున్న ఈ సినిమా విడుదలకి సిద్ధమైంది. దర్శకుడు మాట్లాడుతూ ‘‘ప్రేమించే మనుషులు, మనసులు ఉన్నంతవరకు ప్రేమ ఎప్పుడూ ఓడిపోదని చెప్పే ప్రయత్నమే ఈ సినిమా. ఓ మంచి ప్రేమకథా చిత్రానికి దర్శకత్వం వహించడం ఎంతో తృప్తినిచ్చింది. సుమన్‌, సుహాసిని, భానుచందర్‌, సాయాజీషిండే తదితర సీనియర్‌ నటులతో కలిసి పనిచేయడం మంచి అనుభవం’’ అన్నారు. నిర్మాత మాట్లాడుతూ ‘‘ఎన్ని సమస్యలున్నా ప్రేమ ఎప్పుడూ ఓడిపోకూడదనే విషయాన్ని దర్శకుడు చెప్పిన విధానం మనసులకి హత్తుకుంటుంది. కుటుంబమంతా కలిసి చూసేలా ఉంటుందీ  చిత్రం. త్వరలోనే ట్రైలర్‌ని విడుదల చేస్తాం’’ అన్నారు. ఛాయాగ్రహణం: ఈదర ప్రసాద్‌, సంగీతం: రమణ రాథోడ్‌.