Nithiin: కలెక్టర్‌గా నితిన్‌.. మాస్‌ లుక్‌ అదిరింది!

ఇంటర్నెట్‌ డెస్క్‌: ఐఏఎస్‌ అధికారి పాత్రలో నితిన్‌ నటిస్తోన్న చిత్రం ‘మాచర్ల నియోజకవర్గం’. ఈ సినిమాలో ఆయన గుంటూరు జిల్లా కలెక్టర్‌ ఎన్‌. సిద్ధార్థ్‌రెడ్డిగా కనిపించనున్నారు. ఆ క్యారెక్టర్‌కు సంబంధించిన ఫస్ట్‌లుక్‌ను చిత్ర బృందం తాజాగా విడుదల చేసింది. ఇందులో నితిన్‌ బ్లాక్‌ అండ్‌ బ్లాక్‌ దుస్తుల్లో సీరియస్‌గా కనిపించారు. ఇది.. ఓ పోరాట సన్నివేశానికి సంబంధించిన దృశ్యమనిపిస్తోంది. ‘మీకు నచ్చే, మీరు మెచ్చే మాస్‌తో వస్తున్నా’ అని నితిన్‌ ట్వీట్‌ చేశారు.

ఈ చిత్రాన్ని రాజకీయ నేపథ్యంలో.. మాస్‌ అంశాలతో తెరకెక్కిస్తున్నారు. నితిన్‌ సరసన కేథరిన్‌ థెరిసా, కృతిశెట్టి సందడి చేయనున్నారు. శ్రేష్ఠ్‌ మూవీస్‌ పతాకంపై సుధాకర్‌రెడ్డి, నిఖితారెడ్డి నిర్మిస్తున్నారు. ఈ చిత్రానికి సంగీతం: మహతి స్వరసాగర్‌, ఛాయాగ్రహణం: ప్రసాద్‌ మూరెళ్ల, సంభాషణలు: మామిడాల తిరుపతి, కళ: సాహి సురేశ్‌, కూర్పు: కోటగిరి వెంకటేశ్వరరావు. అన్ని కార్యక్రమాలు పూర్తిచేసుకుని త్వరలోనే ఈ చిత్రం ప్రేక్షకుల ముందుకురానుంది.