Tom Cruise: విమానం నుంచి దూకుతూ కృతజ్ఞతలు

అభిమానుల కోసం టామ్‌క్రూజ్‌ సాహసం

ప్రపంచవ్యాప్తంగా కోట్లాది మంది అభిమానులున్న హాలీవుడ్‌ కథానాయకుడు టామ్‌క్రూజ్‌ (Tom Cruise) అభిమానుల కోసం ఓ సాహసం చేసి అందర్నీ ఆశ్చర్యపరిచాడు. ఆయన కథానాయకుడిగా నటించిన ‘టాప్‌ గన్‌: మేవరిక్‌’ భారీ విజయం అందుకున్న సంగతి తెలిసిందే. ఈ నేపథ్యంలో ఆయన ప్రస్తుతం నటిస్తోన్న ‘మిషన్‌ ఇంపాజిబుల్‌ డెడ్‌ రెకోనింగ్‌ పార్ట్‌ 1’ (Mission Impossible) సెట్లోలోంచి వినూత్నంగా ఓ సందేశాన్ని వినిపించారు అభిమానుల కోసం. విమానంలోంచి దూకుతూ గాల్లో విన్యాసాలు చేస్తూ ‘టాప్‌గన్‌..’కు హిట్‌ చేసిన ప్రేక్షకులకు కృతజ్ఞతలు తెలిపాడు. అదే విధంగా ‘మిషన్‌ ఇంపాజిబుల్‌ డెడ్‌ రెకోనింగ్‌ పార్ట్‌ 1’ కోసం ఆయన చేస్తున్న సాహసాలు చూసి నెటిజన్లు ఔరా అంటూ ఆశ్చర్యంలో మునిగిపోతూ టామ్‌కు ప్రశంసలతో ముంచెత్తుతున్నారు.