Cinema News: జీవితాంతం వేధించే గాయాలు

అనూష శర్మ, శ్రీనివాస్‌, అంకిత్‌ నాయుడు, శ్రీజ తదితరులు ప్రధాన పాత్రల్లో నటించిన చిత్రం ‘నో రామ..రావన్స్‌ ఓన్లీ’. వీరబ్రహ్మం నక్క స్వీయ దర్శకత్వంలో నిర్మించారు. ఆయనే సంగీత దర్శకుడిగానూ వ్యవహరించారు. ప్రస్తుతం నిర్మాణానంతర పనుల్లో ఉన్న ఈ సినిమా.. త్వరలో ప్రేక్షకుల ముందుకు రానుంది. ఈ సందర్భంగా చిత్ర దర్శక నిర్మాత మాట్లాడుతూ.. ‘‘ఇదొక భిన్నమైన సైకలాజికల్‌ థ్రిల్లర్‌. ఆద్యంతం భావోద్వేగభరితంగా సాగుతుంది. పసి వయసులో మనసుకు అయ్యే గాయాలు జీవితాంతం ఎలా వేధిస్తాయి? అనే అంశంతో రూపొందింది. త్వరలో ట్రైలర్‌ విడుదల చేస్తాం’’ అన్నారు. ఈ సినిమాలో అనిత, తిరుపతి, బేబీ నందిని, కార్తిక్‌ తదితరులు కీలక పాత్రలు పోషించారు.