Updated : 29 Jan 2021 17:22 IST

ఆయనతో స్ర్కీన్‌ పంచుకోవడం నా అదృష్టం: చెర్రీ

హైదరాబాద్‌: తన తండ్రి, మెగాస్టార్‌ చిరంజీవితో స్ర్కీన్ పంచుకోవడం అదృష్టమని నటుడు రామ్‌ చరణ్‌ తేజ్‌ అన్నారు. కొరటాల శివ దర్శకత్వంలో చిరంజీవి కథానాయకుడిగా తెరకెక్కుతోన్న భారీ ప్రాజెక్ట్‌ ‘ఆచార్య’. ఇందులో చరణ్‌ ‘సిద్ధ’గా కీలకపాత్రలో కనిపించనున్న విషయం తెలిసిందే. గత కొన్నిరోజుల నుంచి ఈ సినిమా రెగ్యులర్‌ షూట్‌లో చరణ్‌ పాల్గొంటున్నారు. తాజాగా విడుదలైన ‘ఆచార్య’ టీజర్‌ ప్రేక్షకులను విశేషంగా అలరిస్తోంది. ఈ క్రమంలో చరణ్‌ ‘ఆచార్య’ సినిమాలో తానూ భాగం కావడం పట్ల ఆనందం వ్యక్తం చేశారు.

‘‘ఆచార్య’ సినిమా కోసం నాన్నతో కలిసి స్ర్కీన్‌ పంచుకోవడం నా అదృష్టం. ‘సిద్ధ’ పాత్రలో నటిస్తున్నందుకు నాకెంతో ఆనందంగా ఉంది. ఇందులో నాది అతిథి పాత్ర కాదు. నా వరకూ ఇది పూర్తి నిడివి ఉన్న పాత్ర. నాన్న సినిమాలో నటించడానికి నాకు అవకాశం కల్పించిన దర్శకుడు కొరటాల శివకు ధన్యవాదాలు’ అని రామ్‌చరణ్‌ వివరించారు.

అనంతరం సిద్ధ పాత్రకు రామ్‌చరణ్‌ను ఎంపిక చేసుకోవడం గురించి కొరటాల స్పందిస్తూ.. ‘ఈ సినిమాలో ‘సిద్ధ’ పాత్రకు రామ్‌చరణ్‌ తప్ప వేరే ఎవర్నీ ఊహించుకోలేకపోయాను. ఈ ప్రాజెక్ట్‌కు, ఆ పాత్రకు ఆయనే సరైన న్యాయం చేయగలరు’ అని పేర్కొన్నారు. ఇందులో చిరంజీవికి జోడీగా కాజల్‌.. చరణ్‌కు జంటగా పూజాహెగ్డే సందడి చేయనున్నారు.

ఇవీ చదవండి

RRR: తారక్‌ ప్రేయసి జెన్నీఫర్‌ ఆగయా..!

ఆకట్టుకునేలా సుశాంత్‌ సినిమా టీజర్‌..


Read latest Movies News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని