HBD NTR: 9999 సంగతి ఇదీ

ఇంటర్నెట్ డెస్క్: సినిమా వాళ్లలో చాలామందికి సెంటిమెంట్ ఉంటుందనే సంగతి తెలిసిందే. ప్రముఖ నటుడు జూనియర్ ఎన్టీఆర్ 9999 (కారు నంబరు) విషయంలో ఇదే అనుకుంటుంటారు. కానీ, కాదు. 9999 నంబరు.. ఎందుకు ఎంపిక చేసుకున్నారో ఓ సందర్భంలో ఇలా వివరించారు తారక్. 'సెంటిమెంట్స్‌పై నాకు పెద్దగా నమ్మకం లేదు. కానీ 9 అంకె అంటే చాలా ఇష్టం. తాతగారి (సీనియర్ ఎన్టీఆర్) కారు నంబరు 9999. అదే నంబరు నాన్న (హరికృష్ణ) కారుకి కనిపించేది. వాళ్లిద్దరినీ ఆరాధించే వ్యక్తిగా... నాకూ ఆ నంబరు అంటే మక్కువ పెరిగింది' అని తెలిపారు. కారు నంబరే కాదు తారక్  ట్విటర్ ఖాతాలోనూ 9999 కనిపిస్తుంది. సినిమా విషయానికొస్తే 'ఆర్ఆర్ఆర్' చిత్రంతో బిజీగా ఉన్నారాయన. ఇది పూర్తయ్యాక కొరటాల శివ దర్శకత్వంలో న‌టించ‌నున్నారు.