Vaani kapoor: క్రైమ్‌ థ్రిల్లర్‌ కథలో వాణీకపూర్‌

వాణీ కపూర్‌ (Vaani Kapoor) ప్రధాన పాత్రధారిగా.. ‘మర్దానీ 2’ (Mardaani 2) దర్శకుడు గోపీ పుత్రన్‌ ఓ సినిమా తెరకెక్కించనున్నారని గతంలో వార్తలొచ్చాయి. అప్పట్లో దీనిపై ఎవరూ స్పందించలేదు. తాజాగా ఈ వార్త నిజమేనంటూ చిత్రబృందం మంగళవారం ప్రకటించింది. క్రైం థ్రిల్లర్‌ కథాంశంతో ఇది పట్టాలెక్కనుంది. ‘కథ, స్క్రిప్ట్‌ వినగానే వాణీ కపూర్‌ ఉత్సుకతకి గురయ్యారు. వెంటనే ఈ ప్రాజెక్టు చేయడానికి ఒప్పుకున్నారు. ప్రస్తుతం పూర్వ నిర్మాణానంతర కార్యక్రమాలు జరుగుతున్నాయి. మార్చిలో లఖ్‌నవూలో చిత్రీకరణ ప్రారంభిస్తాం’ అని సినీవర్గాలు తెలిపాయి. దీన్ని యశ్‌రాజ్‌ ఫిల్మ్స్‌ సంస్థ నిర్మించనుంది.