Breaking | Feedback | ePratibha | E-PAPER | Pratibha

Vijay: నంబర్‌ 1గా విజయ్‌.. ప్రభాస్‌, ఎన్టీఆర్‌ ఏ స్థానంలో ఉన్నారంటే?

సినిమాలకు సంబంధించి బాక్సాఫీస్‌ విశ్లేషణలు, రేటింగ్స్‌ ఇచ్చే ఓర్‌మ్యాక్స్‌ సంస్థ చేసిన ‘మోస్ట్‌ పాపులర్‌ మేల్‌ స్టార్‌’ సర్వేలో తమిళ నటుడు విజయ్‌ అగ్ర స్థానంలో నిలిచారు.

Published : 22 Sep 2022 01:54 IST

ఇంటర్నెట్‌ డెస్క్‌: సినిమాలకు సంబంధించి బాక్సాఫీస్‌ విశ్లేషణలు, రేటింగ్స్‌ ఇచ్చే ఓర్‌మ్యాక్స్‌ (Ormax) సంస్థ చేసిన ‘మోస్ట్‌ పాపులర్‌ మేల్‌ స్టార్‌’ సర్వే టాప్‌ టెన్‌లో తమిళ నటుడు విజయ్‌(Vijay) అగ్ర స్థానంలో నిలిచారు. రెండో స్థానంలో ప్రభాస్‌ (Prabhas), మూడో స్థానంలో ఎన్టీఆర్‌ (NTR), నాలుగో స్థానంలో అల్లు అర్జున్‌ (Allu Arjun) ఉన్నారు. యశ్‌ -5, అక్షయ్‌ కుమార్‌-6, రామ్‌చరణ్‌-7, మహేశ్‌బాబు-8, సూర్య-9, అజిత్‌ కుమార్‌- 10వ స్థానాలను దక్కించుకున్నారు. ఆగస్టు 2022 వరకు ఆల్‌ ఇండియా లెవెల్లో తీసుకున్న ఓర్‌మ్యాక్స్‌ సంస్థ గణాంకాలివి. ‘మోస్ట్‌ పాపులర్‌ ఫిమేల్‌ స్టార్స్‌’, ‘మోస్ట్‌ అవైటెడ్‌ తెలుగు ఫిల్మ్స్‌’, ‘మోస్ట్‌ అవైటెడ్‌ హిందీ ఫిల్మ్స్‌’.. ఇలా పలు కేటగిరీల వివరాలను ఓర్‌మ్యాక్స్‌ సోషల్‌ మీడియాలో విడుదల చేసింది.

కథానాయికల జాబితా ఇదీ..

మోస్ట్‌ పాపులర్‌ ఫిమేల్‌ స్టార్స్‌ టాప్‌ 10 జాబితాలో సమంత నంబరు 1గా నిలిచారు. మిగిలిన తొమ్మిది మందిలో అలియా భట్‌, నయనతార, కాజల్‌ అగర్వాల్‌, దీపికా పదుకొణె, రష్మిక, కీర్తి సురేశ్‌, కత్రినా కైఫ్‌, పూజా హెగ్డే, అనుష్క శెట్టి ఉన్నారు.

సినిమాలివీ..

‘మోస్ట్‌ అవైటెడ్‌ తెలుగు ఫిల్మ్స్‌’ జాబితాలో అల్లు అర్జున్‌ హీరోగా తెరకెక్కుతున్న ‘పుష్ప-2’ ముందంజలో ఉంది. ఆ తర్వాత, ప్రభాస్‌ హీరోగా రూపొందుతోన్న ‘సలార్‌’, ‘ఆది పురుష్’, పవన్‌ కల్యాణ్‌ ‘హరి హర వీరమల్లు’, విజయ్‌ దేవరకొండ ‘ఖుషి’ చిత్రాలున్నాయి.

తెలుగులో ప్రభాస్‌ నంబర్‌ 1

* టాలీవుడ్‌, కోలీవుడ్‌, బాలీవుడ్‌.. ఇలా ఆయా భాషలకు (ప్రాంతీయంగా) సంబంధించి విడిగా సర్వే చేసింది ఓర్‌మ్యాక్స్‌. అందులో.. తెలుగు చలన చిత్ర పరిశ్రమకు సంబంధించిన ‘మోస్ట్‌ పాపులర్‌ మేల్‌ స్టార్‌’ జాబితాలో ప్రభాస్‌ అగ్రస్థానంలో నిలిచారు. ఆ తర్వాతి స్థానాల్లో ఎన్టీఆర్‌, అల్లు అర్జున్‌, రామ్‌ చరణ్‌, మహేశ్‌బాబు, పవన్‌ కల్యాణ్‌, నాని, విజయ్‌ దేవరకొండ, చిరంజీవి, రవితేజ ఉన్నారు.

► Read latest Movies News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.