Orange: 13 ఏళ్లు అయినా.. ఆ క్రేజ్‌ ఏమాత్రం తగ్గలే..!

హైదరాబాద్: మెగా పవర్‌స్టార్‌ రామ్‌చరణ్‌ (Ram Charan) కెరీర్‌ తొలినాళ్లలో నటించిన ఫీల్‌గుడ్‌ ప్రేమకథా చిత్రం ‘ఆరెంజ్‌’ (Orange). ‘బొమ్మరిల్లు’ భాస్కర్‌ దర్శకుడు. జెనీలియా కథానాయిక. రామ్‌చరణ్‌ పుట్టినరోజుని పురస్కరించుకుని దాదాపు 13 ఏళ్ల తర్వాత ఈ చిత్రాన్ని రీ రిలీజ్‌ చేశారు. శని, ఆదివారాల్లో తెలుగు రాష్ట్రాల్లోని పలు థియేటర్లలో దీనిని రీ రిలీజ్‌ చేయగా.. అభిమానులు భారీగా తరలివచ్చారు. దీంతో ఆయా థియేటర్ల వద్ద సందడి వాతావరణం నెలకొంది. మరోవైపు, సినిమాహాళ్లలోనూ ఇదే సందడి కనిపించింది. అభిమానులు పాటలుపడుతూ డ్యాన్స్‌లు చేస్తూ కనిపించారు. దీనికి సంబంధించిన పలు వీడియోలు నెట్టింట వైరల్‌గా మారాయి.

రామ్‌చరణ్‌ (Ram Charan) నటించిన మూడో చిత్రమిది. నాగబాబు (Naga Babu) నిర్మాత.  రీ రిలీజ్‌తో వచ్చే డబ్బు మొత్తాన్ని జనసేన పార్టీకి విరాళంగా ఇవ్వనున్నట్లు నాగబాబు ఇటీవల వెల్లడించారు.