Cinema News: నవ్వులు పంచే క్రైమ్‌ థ్రిల్లర్‌

అభిలాష్‌ సుంకర, దీపిక ఆరాధ్య జంటగా నటిస్తున్న చిత్రం ‘పగ పగ పగ’. రవి శ్రీ దుర్గా ప్రసాద్‌ తెరకెక్కిస్తున్నారు. సత్యనారాయణ నిర్మాత. ఈ సినిమాతో సంగీత దర్శకుడు కోటి ప్రతినాయకుడిగా పరిచయమవుతున్నారు. ఆయన పాత్రకు సంబంధించిన ఫస్ట్‌లుక్‌, గ్లింప్స్‌ను  దర్శకుడు మెహర్‌ రమేష్‌ ఇటీవల విడుదల చేశారు. ‘‘హలో పెజ్జోని పేటోడికి పని ఇస్తే.. వాడు ఆఖరి క్షణంలో ఉన్నా పని పూర్తి చేసి చస్తాడు’’ అంటూ ప్రచార చిత్రంలో కోటి చెప్పిన డైలాగ్‌ ఆసక్తికరంగా ఉంది. ‘‘వినోదాత్మకంగా సాగే క్రైమ్‌ యాక్షన్‌ థ్రిల్లర్‌ ఇద’’ అని చిత్ర బృందం తెలిపింది. ఈ చిత్రానికి  కూర్పు: పాపారావు, ఛాయాగ్రహణం: నవీన్‌ కుమార్‌ చల్లా.