Palasa 1978: ‘పలాస’ కు అరుదైన గౌరవం

చెన్నైలో ఈ నెల 9 నుంచి మూడు రోజుల పాటు జరగనున్న  పి.కె రోజ్‌ ఫిల్మ్‌ ఫెస్టివల్‌లో ప్రదర్శనకు ‘పలాస 1978’ చిత్రం ఎంపికైనట్లు ఆ చిత్ర దర్శకుడు కరుణ కుమార్‌ ప్రకటించారు. ఒక మంచి ప్రయత్నంతో వస్తే ప్రేక్షకులు సినిమాను ఎంత బాగా ఆదరిస్తారో  చెప్పడానికి ఈ సినిమానే ఉదాహరణ అని ఆయన సంతోషం వ్యక్తం చేశారు. ఇలాంటి వేదికపై తన సినిమా ప్రదర్శితమవుతున్నందుకు గర్వంగా ఉందని తెలిపారు. దళిత ఇతివృత్తాలతో వచ్చిన సినిమాలను వెలుగులోకి తీసుకువచ్చే ఉద్దేశంతో తమిళ దర్శకుడు పా రంజిత్‌ 2018లో ఈ కార్యక్రమానికి శ్రీకారం చుట్టారు.