vijayalalitha: ‘సాహసవీరుడు..’లో ఆమె పాత్ర గెటప్ చూస్తుంటే భయమేస్తుంది!
vijayalalitha: ప్రముఖ నటి విజయలలిత గురించి పరుచూరి గోపాలకృష్ణ పంచుకున్న ఆనాటి విశేషాలు...
పరుచూరి బ్రదర్స్ ఒకరైన గోపాలకృష్ణ రచయితగానే కాకుండా సినిమాల్లోనూ నటించి రాణించారు. ఆయన ‘పరుచూరి పలుకులు’ పేరుతో సినిమా విశేషాలతో పాటు, అప్పట్లో జరిగిన ఆసక్తికర సంఘటనలను, ప్రముఖ నటీనటుల సంగతులను అభిమానులతో పంచుకుంటారు. తాజాగా అలనాటి ‘లేడీ జేమ్స్బాండ్’ విజయలలిత గురించి గోపాలకృష్ణ చెప్పిన సంగతులు.. ఆయన మాటల్లోనే..
‘‘ఆమెను విజయలలిత ‘గారు’ అని ఎందుకు అంటున్నానంటే.. నేను విద్యార్థిగా ఉన్న రోజుల్లోనే, సినిమాల గురించి నాకేమీ తెలియనప్పుడే ఆమె సినిమాలు చాలా చూశాను. ఆమె నటించిన ‘రౌడీరాణి’ ఎన్నిసార్లు చూశానో తెలియదు. అప్పట్లో విజయలలితని దక్షిణాది ‘జేమ్స్బాండ్’ అనేవాళ్లు. ఎందుకంటే ఫైట్లు బాగా చేసేవారు. అలాంటిది డ్యాన్సుల్లో అంటే ముందుగా గుర్తుకొచ్చేది ఎల్.విజయలక్ష్మి, విజయలలితలే. జ్యోతిలక్ష్మి, జయమాలిని రాకముందు వీళ్లే డ్యాన్స్లు చేసేవారు. వీరందరి కంటే ముందు డ్యాన్సులంటే అలనాటి రాగిణి, పద్మిని ఉండేవాళ్లు. అప్పట్లో సినిమాల్లో విజయలలిత డ్యాన్స్ ఉందంటే చాలు.. ఈలలు, కేకలే. అంత అద్భుతంగా నాట్యం చేసేవారు. అంతే అద్భుతంగా, ఎమోషనల్గా ఫైట్స్ చేసి ‘లేడీ జేమ్స్బాండ్’గా పేరు తెచ్చుకున్నారు. ‘గూఢచారి 116’లో జేమ్స్బాండ్గా కృష్ణకు ఎంత పేరుందో.. అలా లేడీ జేమ్స్బాండ్గా ఈమెకూ అంత పేరుండేది. విజయలలితతో ‘మదర్ ఇండియా’, ‘చినరాయుడు’, ‘జైలర్ గారి అబ్బాయి’, ‘సాహసవీరుడు సాగరకన్య’ చిత్రాలు చేశారు. ఇవే నాకు గుర్తున్నాయి. మేం రాసిన వాటిల్లో.. ఈ నాలుగు చిత్రాల్లో ఆమెవి నాలుగు విభిన్నమైన గెటప్లు. ‘మదర్ ఇండియా’ చిత్రం షూటింగ్ రాజమండ్రి దగ్గరలోని కడియంలోని ఓ తోటలో జరిగింది. మేం రోజూ ఆ షూటింగ్లో పాల్గొనేవాళ్లం. ఆ చిత్రంలో నేను భీముడి పాత్ర పోషించా. అందులో నాకో డైలాగ్ ఉంటుంది. అదేమంటే ‘తెలిసో.. తెలియకో.. మా నాన్న నాకు భీముడు అని పేరు పెట్టారు.. తెలిసో తెలియకో మీ నాన్న నీకు దుర్యోధనుడు అని పేరు పెట్టారు. పేరు పెట్టిన రోజునే నా చేతిలో నీ చావు రాసిపెట్టాడు’. ఈ డైలాగ్ని దర్శకుడు ఎస్వీ కృష్ణారెడ్డి అప్పచెబుతుండేవాడు. ఎందుకు సార్ ఇలా చెప్తున్నారంటే ‘ఈ డైలాగ్ని ఎన్నిసార్లు బట్టీ పట్టానో, సినిమాని అన్ని సార్లు చూశాను’ అని చెప్పారు. ఈ చిత్రంతో ఎస్వీ కృష్ణారెడ్డి నాకు అభిమాని అయ్యాడు. ‘మదర్ ఇండియా’ చిత్రంలో మా నాన్న విజయలలితవాళ్ల ఇంట్లో పాలేరుగా పనిచేస్తుంటాడు. దుర్యోధనుడు (విజయలలిత భర్త) మా నాన్నను చంపుతాడు. ఆయన స్థానంలో నేను ‘పాలేరుగా మా నాన్న చేసిన అప్పు తీర్చుకోవాలి కదా’ అని వారింట్లో చేరుతా.
ఈ చిత్రంలో ఆమెతో కలిసి చేసిన సన్నివేశాలు కొన్ని ఉన్నాయి. ఇందులో శారద కూతురిపై అపనింద వేస్తారు. ఆ అపనిందని ఎలాగైనా బయటపెట్టాలనే ఉద్దేశంతో నేను విజయలలిత స్నానం గదిలోకి వెళ్తాను. ‘చచ్చినోడా.. ఆడవాళ్లు స్నానం చేస్తుంటే లోపలికి వస్తావా..’ అని అంటుంది. మరో సన్నివేశంలో ఆమెకు నేను కొబ్బరి నీళ్లల్లో మత్తు కలిపి ఇస్తాను. దాంతో ఆమె మంచం మీద పడిపోతుంది. ఆ పక్కనే నేను ఉంటాను. అప్పుడే ఊరంతా వచ్చి చూస్తుంది. ‘ఇదంతా ఈ చచ్చినోడు చేశాడు. నాకేం తెలియదని చెబుతూ భోరుమని ఏడుస్తుంది. ఇదంతా అబద్ధం అని చెబుతుంది’. ఆమె నోటితోనే ‘ఇదంతా ఎంత అబద్ధమో శారద కూతురిపై వేసిన నింద కూడా అంతే అబద్ధం’ అని చెప్పిస్తాం. ఆ తర్వాత ఆమె నాపై కోపంతో రగిలిపోయి మంచంపై పడుకొని పాము లేచినట్లు లేస్తుంది. ఆ సన్నివేశం చూస్తే.. విజయలలిత ఎంత అద్భుతంగా చేసిందో అనిపిస్తుంది.
ఆ తర్వాత మళ్లీ మేం ‘చినరాయుడు’ సినిమా షూటింగ్ కోసం రాజమండ్రి వెళ్లాం. ఆమె ఎవరితోనూ పెద్దగా మాట్లాడరు. మనం పలకరిస్తే పలుకుతారు. లేకపోతే లేదు. షూటింగ్లో తన సీన్కు సంబంధించిన పేపర్ చదువుకుంటూ ఉండేవారు. అప్పట్లో అన్నగారు (ఎన్టీఆర్) అలా చేసేవారు. ఆ తర్వాత విజయలలితే. ఎక్కువగా నటీనటులు ఆ కాలంలో అలాగే ఉండేవారు. తమిళంలో విజయ్కాంత్తో కలిసి ఓ డబ్బింగ్ సినిమా చేశారు. చాలా అద్భుతంగా ఉంటుంది. ఆ తర్వాత మాతో ‘ప్రయత్నం’ అనే చిత్రంలో కోడలిని ఇబ్బందులకు గురిచేసే అత్తగారి పాత్ర చేశారు. అలా ఆమె లేడీ జేమ్స్బాండ్ పాత్ర నుంచి సెకండ్ ఇన్నింగ్స్లో ప్రతినాయకురాలిగా నటించి అలరించారు. ఇక తర్వాత ఆమె ఎక్కువగా నెగెటివ్ షేడ్స్ ఉన్న పాత్రల్లోనే నటించారు. రాఘవేంద్రరావు దర్శకత్వంలో ‘సాహసవీరుడు సాగరకన్య’లో ఆమె పాత్ర గెటప్ చూస్తుంటే భయమేస్తుంది. కానీ నిజజీవితంలో ఆమె చాలా సౌమ్యురాలు. అలాంటి విజయలలిత మరోసారి సినిమాల్లో నటించాలని కోరుకుంటున్నాను’’ అని పరుచూరి గోపాలకృష్ణ తెలిపారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రామానాయుడి ఔదార్యం!
సురేష్ ప్రొడక్షన్స్ బ్యానర్పై ఎన్నో విజయవంతమైన చిత్రాలు తీసి, మూవీ మొఘల్ అనిపించుకున్నారు దివంగత నిర్మాత డి.రామానాయుడు. -
క్రమశిక్షణలో ఎన్టీఆర్ కాఠిన్యం!
షూటింగ్ జరుగుతున్న రోజుల్లో, కె.ఆర్.విజయ సెట్టుకి ఆలస్యంగా రావడమే కాకుండా, సమాచారం లేకుండా రెండు రోజులు షూటింగ్కు రాలేదు. -
కెమెరాకు సైతం అందని ఎన్టీఆర్ పరుగు.. పులితో ఛేజింగ్ సీక్వెన్స్ ఇలా..
ఎన్టీఆర్ పరిచయ సన్నివేశంలో పులితో ఛేజింగ్ చేసే సీన్ ఎలా తీశారో ‘ఆర్ఆర్ఆర్’ కెమెరామెన్ సెంథిల్కుమార్ ఇటీవల పంచుకున్నారు. -
పాపం చిరంజీవి వస్తున్నారనుకొని...
అప్పట్లో సినిమా నటులంటే ప్రేక్షకులకు విపరీతమైన అభిమానం. ఒకరకంగా తమ అభిమాన కథానాయకుడిని దైవంతో సమానంగా చూసేవారు. ఎదుటివారు దూషించినా, కనీసం చెడుగా మాట్లాడినా పెద్ద పెద్ద గొడవలే జరిగేవి. -
అల్లు అర్జున్ సినిమాలో నటించే అవకాశం వచ్చింది.. కానీ: విశాల్
‘రత్నం’ సినిమా ప్రమోషన్స్లో భాగంగా నటుడు విశాల్ పలు ఆసక్తికర విశేషాలు పంచుకున్నారు. -
ఆయన మీద పీకలదాకా కోపం వచ్చింది!
వైవిధ్యమైన పాత్రల్లో... విలక్షణమైన నటనతో సినీ ప్రేక్షకుల గుండెల్లో చెరగని ముద్ర వేసుకున్న ఎస్వీ రంగారావు (S V Ranga Rao) తొలిసారి కెమెరా ముందు ఎలాంటి అనుభవం పొందారనేది ఎంతో ఆసక్తికరం. తన తొలినాటి సినీ అనుభవం గురించి ఎస్వీఆర్ ఓ సందర్భంలో వ్యాసం రాశారు. -
ఆ హిట్ మూవీలో సమంతను వద్దనుకున్న సుకుమార్.. కానీ ఏం జరిగిందంటే!
‘రంగస్థలం’లో మొదట సమంతను వద్దనుకున్నట్లు సుకుమార్ తెలిపారు. ఆ తర్వాత ఆమె నటనకు ఆశ్చర్యపోయినట్లు చెప్పారు. -
నాగబాబుపై ‘చిరు’ కోపం!
అగ్ర కథానాయకుడు చిరంజీవి (Chiranjeevi) సోదరుడిగా నాగబాబు పలు చిత్రాల్లో నటించి మెప్పించారు. అన్నదమ్ములిద్దరూ కలిసి నటించిన సందర్భాలూ ఉన్నాయి. -
Venky: 20 ఏళ్ల ‘వెంకీ’.. ఈ హిట్ మూవీ మిస్సైన హీరోయిన్ ఎవరంటే?
రవితేజ హీరోగా దర్శకుడు శ్రీను వైట్ల తెరకెక్కించిన ‘వెంకీ’ చిత్రం 20 ఏళ్లు పూర్తి చేసుకుంది. ఈసందర్భంగా ఆ సినిమా గురించి పలు ఆసక్తికర విశేషాలు.. -
Brindha Sivakumar: మణిరత్నం ‘హీరోయిన్ ఛాన్స్’ వదులుకున్న బృందా.. సూర్య సోదరి గురించి మీకు తెలుసా?
ప్రముఖ హీరోలు సూర్య, కార్తి సోదరి గురించి ఆసక్తికర విశేషాలివీ.. -
gautham Menon:ఆ కీలక పాత్రలకు వారిని అనుకున్నా: గౌతమ్మేనన్
సూర్య ప్రధాన పాత్రలో నటించిన ‘సూర్య సన్నాఫ్ కృష్ణన్’ చిత్రం గురించి ఆసక్తికర వ్యాఖ్యలు చేశారు. -
Prithviraj Sukumaran: రెండు ఆఫర్లు ఇచ్చిన చిరంజీవి.. తిరస్కరించిన పృథ్వీరాజ్ సుకుమారన్.. కారణమదే
చిరంజీవి ఇచ్చిన రెండు ఆఫర్లను ఓ సినిమా కారణంగా తిరస్కరించాల్సి వచ్చిందని మలయాళ నటుడు పృథ్వీరాజ్ సుకుమారన్ తెలిపారు. -
RRR Movie: ‘ఆర్ఆర్ఆర్’ ప్రీక్లైమాక్స్లో చేసిన మార్పు ఇదే.. జెన్నీ పాత్ర చనిపోతుందట!
ఎన్టీఆర్, రామ్చరణ్లు నటించిన ‘ఆర్ఆర్ఆర్’ గురించి ఆ చిత్ర దర్శకుడు రాజమౌళి ఆసక్తికర విషయాన్ని పంచుకున్నారు. -
Mohan Babu: మోహన్బాబు అలా ‘అల్లుడుగారు’ అయ్యారు.. అదరగొట్టారు
నేడు మోహన్బాబు పుట్టినరోజు. ఈ సందర్భంగా ‘అల్లుడుగారు’ సినిమా సంగతులు చూద్దాం.. -
Deepika Padukone: అలా మిస్సై.. ‘కల్కి 2898ఏడీ’తో సిద్ధమై: దీపికా టాలీవుడ్ ఎంట్రీ సంగతులివీ..
ప్రముఖ నటి దీపికా పదుకొణె టాలీవుడ్ ఎంట్రీ గురించి ఆసక్తికర విశేషాలివీ.. -
Daddy Movie: చిరంజీవి ‘డాడీ’ మూవీ వెంకటేశ్ చేస్తే సూపర్ హిట్ అయ్యేదట!
Daddy movie: ‘డాడీ’ మూవీ యావరేజ్గా ఆడటంపై చిరంజీవి ఓ సందర్భంలో ఆసక్తికర విషయాన్ని వెల్లడించారు. -
Prema: షూటింగ్లో నిజంగానే పాము కాటేసింది.. ఆ హిట్ సినిమాకు 25 ఏళ్లు..
నటి ప్రేమ (Prema) ప్రధానపాత్రలో నటించిన ‘దేవి’ (Devi) చిత్రం విడుదలై నేటికి 25ఏళ్లు పూర్తయింది. -
Sekhar Kammula: ఆ ఫీల్గుడ్ స్టోరీ.. పవన్ను దృష్టిలో పెట్టుకుని రాసిందే కానీ..!
ఓ హిట్ సినిమా స్టోరీని ప్రముఖ హీరో పవన్ కల్యాణ్ను దృష్టిలో పెట్టుకుని రాసుకున్నారు ఆ దర్శకుడు. ఆ ఆసక్తికర సంగతులివీ.. -
చిరు-నాగ్-వెంకటేశ్లతో మల్టీస్టారర్ తీయాలనుకున్నారు
ఒక టికెట్టుపై డబుల్ ధమాకా వినోదాల్ని పంచిచ్చేవి మల్టీస్టారర్ చిత్రాలు. అందుకే ఏ చిత్రసీమలోనైనా ఓ మల్టీస్టారర్ చిత్రం మొదలవుతుందంటే.. ప్రేక్షకుల చూపంతా అటువైపే మళ్లుతుంటుంది. -
Sharwanand: అందుకే శర్వానంద్ ఆ హిట్ మూవీకి ‘నో’ చెప్పారు.. సెకండ్ ఛాన్స్లోనూ!
హీరో శర్వానంద్ పుట్టిన రోజు నేడు. ఈ సందర్భంగా ఆయన గురించి ఆసక్తికర విషయం మీకోసం.. -
Mahesh Babu: మహేశ్ బాబును అనుకున్నారు.. తరుణ్తో తెరకెక్కించారు!
తరుణ్ నటించిన ఓ హిట్ చిత్రంలో.. ముందుగా మహేశ్ బాబును హీరోగా అనుకున్నారు నిర్మాత. కానీ, డైరెక్టర్ వద్దనుకున్నారు. అదే సినిమా అంటే?
తాజా వార్తలు (Latest News)
-
62వేల మంది వాలంటీర్లు రాజీనామా చేశారు.. కోర్టుకు తెలిపిన ఈసీ న్యాయవాది
-
ఎన్నికలను మేం నియంత్రించలేం: ‘వీవీప్యాట్’ కేసులో సుప్రీం కీలక వ్యాఖ్యలు
-
జగన్పై రాయిదాడి కేసు.. సతీష్ కస్టడీకి కోర్టు అనుమతి
-
హార్దిక్.. ముందు నీ ఆటపై దృష్టిపెట్టు: వీరేంద్ర సెహ్వాగ్
-
అలాంటి చిత్రాల్లో ఇదీ ఒకటి.. ఫహాద్ ఫాజిల్ ‘ఆవేశం’కు సమంత రివ్యూ
-
5,000mAh బ్యాటరీ.. 50MP కెమెరాతో నార్జో సిరీస్లో కొత్త ఫోన్లు