Pathaan: ‘పఠాన్’ టీజర్ వచ్చేసింది.. యాక్షన్తో అదరగొట్టేసిన షారుక్
బీటౌన్ అగ్ర కథానాయకుడు షారుక్ ఖాన్ ప్రధాన పాత్రలో నటించిన చిత్రం ‘పఠాన్’. సిద్ధార్థ్ ఆనంద్ దర్శకత్వంలో ఈ సినిమా తెరకెక్కింది.
ముంబయి: సుమారు నాలుగేళ్ల విరామం తర్వాత బాలీవుడ్ బాద్షా షారుక్ ఖాన్ ప్రధాన పాత్రలో నటించిన చిత్రం ‘పఠాన్’ (Pathaan). యాక్షన్ ఎంటర్టైనర్గా సిద్ధమైన ఈ సినిమాలో జాన్ అబ్రహం, దీపికా పదుకొణె కీలకపాత్రలు పోషించారు. బుధవారం షారుక్ పుట్టినరోజు పురస్కరించుకుని చిత్రబృందం ఈ చిత్రం టీజర్ను విడుదల చేసింది. ‘‘పఠాన్ గురించి నీకు ఏం తెలుసు?’’ అనే డైలాగ్తో మొదలైన టీజర్ ఫైట్ సీక్వెన్స్తో యాక్షన్ ప్రియుల్ని అలరించేలా ఉంది.
‘‘మూడేళ్ల నుంచి అతడి జాడ లేదు. చివరి మిషన్లో అతడు పట్టుబడ్డాడు. అతడిని వేధించారని విన్నా. పఠాన్ ఇంకా బతికే ఉన్నాడో లేదో తెలియదు’’ అనే డైలాగ్తో షారుక్ పాత్రని పరిచయం చేయడం.. ‘బతికే ఉన్నా’ అంటూ ఆయన చెప్పడం.. వంటి సీన్స్ హీరో ఫ్యాన్స్తో ఈలలు వేయించేలా ఉన్నాయి. ఇంతకీ ఈ పఠాన్ ఎవరు? అతడిని పోలీసులు ఎందుకు అరెస్టు చేశారు? ఇందులో జాన్ అబ్రహం పాత్ర ఏమిటి? అనే ఆసక్తికర అంశాలతో ఈ సినిమా తెరకెక్కినట్లు టీజర్ చూస్తే తెలుస్తోంది. సిద్ధార్థ్ ఆనంద్ తెరకెక్కించిన ఈ చిత్రాన్ని యశ్రాజ్ ఫిల్మ్స్ సంస్థ నిర్మిస్తోంది. వచ్చే ఏడాది జనవరి 25న ఈసినిమా విడుదల కానుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
సీఎం రేవంత్రెడ్డితో ఎంపీ కె.కేశవరావు భేటీ
-
ఉత్తర్ప్రదేశ్లో హైఅలర్ట్.. గ్యాంగ్స్టర్ ముఖ్తార్ మృతిపై కుటుంబం అనుమానాలు!
-
కాంగ్రెస్కు మళ్లీ షాక్.. రూ.1700 కోట్ల పన్ను నోటీసులు
-
విజయ్ దేవరకొండను పార్టీ అడిగిన రష్మిక.. ఎందుకంటే..?
-
ప్రధాని మోదీ, బిల్గేట్స్.. ‘చాయ్ పే చర్చ’
-
‘మిలిటరీ తరహా కోచ్’ అంటూ వీజ్ వ్యాఖ్యలు.. ఆండ్రి రస్సెల్ కౌంటర్