Pawan kalyan: రీమేక్‌ వద్దు

పవన్‌కల్యాణ్‌తో (Pawan Kalyan) తీయనున్న సినిమా గురించి ఉత్సాహవంతమైన కబురు అంటూ ఊరిస్తున్నారు దర్శకుడు హరీష్‌శంకర్‌ (Harish Shankar). విజయవంతమైన  ‘గబ్బర్‌సింగ్‌’ తర్వాత ఈ కలయికలో మరో సినిమా రూపొందనున్న విషయం తెలిసిందే. మైత్రీ మూవీ మేకర్స్‌ పతాకంపై ‘భవదీయుడు భగత్‌సింగ్‌’ పేరుతో ఆ సినిమా రూపొందనున్నట్టు 2021లోనే  ప్రకటించారు. కానీ ఇప్పటివరకూ ఆ సినిమా పట్టాలెక్కలేదు. అయితే కొన్నాళ్లుగా  ఈ కలయికలో రానున్నది తమిళ చిత్రం ‘తెరి’ రీమేక్‌ అని ప్రచారం సాగుతోంది. దాంతో హరీష్‌శంకర్‌ గురువారం సినిమా కబురు అంటూ ట్వీట్‌ చేయగానే, ‘రీమేక్‌ వద్దు’ అంటూ అభిమానులు పెద్దఎత్తున ప్రతిస్పందించారు. ‘మాకు తెరి రీమేక్‌ వద్దు’ అనే ట్యాగ్‌ ట్రెండింగ్‌ కూడా అయ్యింది. పవన్‌కల్యాణ్‌ కోసం హరీష్‌ శంకర్‌ కొత్త కథనే సిద్ధం చేస్తున్నట్టు  సమాచారం. ఈ నెలలోనే సినిమాని ప్రారంభించనున్నట్టు తెలిసింది.