Bheemlanayak: ‘భీమ్లానాయక్‌’ సూపర్‌ సక్సెస్‌.. పవన్‌కల్యాణ్‌ గ్రాండ్‌ పార్టీ

హైదరాబాద్‌: బాక్సాఫీస్‌ వద్ద మంచి వసూళ్లతో బ్లాక్‌బస్టర్‌ విజయం అందుకున్న పవర్‌ప్యాక్డ్‌ మూవీ ‘భీమ్లానాయక్‌’. ప్రస్తుతం ఈ చిత్రబృందం సక్సెస్‌ని ఎంజాయ్‌ చేస్తోంది. తమకు ఇంతటి విజయాన్ని అందించిన ప్రేక్షకులందరికీ థ్యాంక్స్‌ చెబుతూ శనివారం ఉదయం టీమ్‌ మొత్తం ప్రెస్‌మీట్‌ నిర్వహించింది. ఇదిలా ఉండగా.. నిన్న సాయంత్రం ‘భీమ్లానాయక్‌’ టీమ్‌ మొత్తానికి పవన్‌ కల్యాణ్‌, త్రివిక్రమ్‌ కలిసి ఓ గ్రాండ్‌ పార్టీ ఇచ్చినట్లు తెలుస్తోంది. హైదరాబాద్‌లో ఏర్పాటు చేసిన ఈ పార్టీలో ఈ సినిమా కోసం పనిచేసిన నటీనటులు, టెక్నీషియన్స్‌, సింగర్స్‌ అందరూ పాల్గొన్నారు. దీనికి సంబంధించిన కొన్ని ఫొటోలు, వీడియోలు నెట్టింట వైరల్‌గా మారాయి.

ఇక, సినిమా విషయానికి వస్తే ‘అయ్యప్పనుమ్‌ కోషియమ్‌’ రీమేక్‌గా వచ్చిన ఈ చిత్రానికి సాగర్‌ కె.చంద్ర దర్శకత్వం వహించారు. సితార ఎంటర్‌టైన్‌మెంట్స్‌ పతాకంపై నాగవంశీ నిర్మించారు. త్రివిక్రమ్‌ శ్రీనివాస్‌ దర్శకత్వ పర్యవేక్షణ చేయగా, తమన్‌ స్వరాలు సమకూర్చారు.