Payal Rajput: ‘బంగార్రాజు’లో ఐటమ్‌ భామగా?

ఇంటర్నెట్‌ డెస్క్: నాగార్జున కథానాయకుడిగా, కల్యాణ్‌ కృష్ణ దర్శకత్వంలో ‘బంగార్రాజు’ చేయనున్నారు. సినిమా షూటింగ్‌ని జులైలో ప్రారంభించేందుకు సన్నాహాలు జరుగుతున్నాయి. చిత్రంలోని ఓ ప్రత్యేక గీతం కోసం ‘ఆర్‌ఎక్స్ 100’ భామ పాయల్‌ రాజ్‌పుత్‌ని తీసుకోనున్నట్లు వార్తలొస్తున్నాయి. ఈ సినిమాలో రమ్యకృష్ణతో పాటు నాగచైతన్య కూడా నటించనున్నారు. సినిమా గురించి మరిన్ని వివరాలు తెలియాలంటే కొంతకాలం వేచి చూడాల్సిందే. అందాల సుందరి పాయల్‌ తెలుగులో వెంకటేష్‌తో కలిసి ‘వెంకీమామ’, రవితేజ సరసన ‘డిస్కోరాజా’ చిత్రాల్లో నటించి మెప్పించింది. ప్రస్తుతం తమిళంలో ఉదయనిధి స్టాలిన్‌తో కలిసి ‘ఏంజెల్‌’ అనే చిత్రంలో చేస్తోంది. పాయల్‌ నిత్యం సామాజిక మాధ్యమాల వేదికగా తన వ్యక్తిగత విషయాలను పంచుకుంటూ అభిమానులకు మరింత దగ్గరవుతోంది. అప్పడప్పుడు హాట్ ఫొటోషూట్స్‌తో కనిపిస్తూ సందడి చేస్తుంటుంది.