Phalana Abbayi Phalana Ammayi: లండన్‌లో అబ్బాయి అమ్మాయి

నాగశౌర్య (NagaShaurya), మాళవిక నాయర్‌(Malavika Nair) జంటగా... శ్రీనివాస్‌ అవసరాల దర్శకత్వంలో తెరకెక్కుతున్న చిత్రం ‘ఫలానా అబ్బాయి - ఫలానా అమ్మాయి’ (Phalana Abbayi Phalana Ammayi). టి.జి.విశ్వప్రసాద్‌, దాసరి పద్మజ  నిర్మాతలు. ఈ సినిమా  చిత్రీకరణ ప్రస్తుతం లండన్‌లో జరుగుతోంది. నాయకానాయికలు, ఇతర ప్రధాన తారాగణంపై కీలక సన్నివేశాల్ని తెరకెక్కిస్తున్నారు. ‘‘నాగశౌర్య - మాళవిక నాయర్‌ జోడీ ‘కళ్యాణ వైభోగమే’ చిత్రంతో అలరించింది. నాగశౌర్య - శ్రీనివాస్‌ అవసరాల ‘కలయికలో ‘ఊహలు గుసగుసలాడే’, ‘జ్యో అచ్యుతానంద’ చిత్రాలొచ్చాయి. విజయవంతమైన చిత్రాల నాయకానాయికలు, దర్శకుడు కలిసి చేస్తున్న ఈ సినిమా ఆసక్తికరమైన కథతో... ఇంటిల్లిపాదినీ  అలరిస్తుంద’’ని చిత్ర వర్గాలు తెలిపాయి.