‘అర్జున్‌రెడ్డి’ సాంగ్‌తో అదరగొట్టేశారు..! 

హైదరాబాద్‌: ఈటీవీలో ప్రతి బుధవారం రాత్రి ప్రసారమయ్యే ‘ఢీ ఛాంపియన్స్‌’ డ్యాన్స్‌ షోకి ప్రేక్షకాదరణ మెండుగా ఉందనే విషయం తెలిసిందే. తాజాగా ఈ షో క్వార్టర్‌ ఫైనల్స్‌ను పూర్తి చేసుకుని సెమీస్‌లోకి అడుగుపెట్టనుంది. శేఖర్‌ మాస్టర్‌, పూర్ణ, ప్రియమణి న్యాయనిర్ణేతలుగా వ్యవహరిస్తోన్న ఈ షోలో సెమీస్‌లో భాగంగా పోటీదారులు తమ ప్రదర్శనలతో మెప్పించనున్నారు.  

సెమీఫైనల్స్‌ లెవల్‌-1లో పోటీదారులు పోటాపోటీగా తలపడనున్నారు. ‘దీవాళీ దీపాన్ని’ అంటూ ఓ కంటిస్టెంట్‌ మెప్పించనున్నారు. మరోవైపు అర్జున్‌ రెడ్డి చిత్రంలోని ‘తెలిసేనే నా నువ్వే నా నువ్వు కాదని’ అనే బ్రేకప్‌ పాటకు  శేఖర్‌, ప్రియమణి ఫిదా కానున్నారు. మరోవైపు సుధీర్‌, ఆది, వర్షిణి, రష్మి తమ ఫన్నీ పంచులతో అలరించనున్నారు. ఓ వైపు హోరాహోరీ పోరు.. మరోవైపు టీమ్‌ లీడర్ల కామెడీ జోరుతో వచ్చేవారం ‘ఢీ ఛాంపియన్స్‌’ ప్రేక్షకులను మెప్పించనుంది. నవంబర్‌ 14న ప్రసారం కానున్న ‘ఢీ ఛాంపియన్స్‌’ ప్రోమో చూసేయండి.