Ponniyin Selvan: పొన్నియిన్‌ సెల్వన్‌1 లోని ‘అలనై నీకై’ సాంగ్‌ చూశారా..!

ఇంటర్నెట్‌ డెస్క్‌: అగ్ర దర్శకుడు మణిరత్నం తెరకెక్కిస్తున్న చిత్రం ‘పొన్నియిన్‌ సెల్వన్‌-1’. ఆస్కార్‌ విజేత ఏఆర్‌ రెహమాన్‌ ఈ చిత్రానికి స్వరాలు అందిస్తున్నారు. భారీ బడ్జెట్‌తో తెరకెక్కుతున్న ఈ సినిమాలోని ‘అలనై నీకై..’ అనే పాటను చిత్రబృందం విడుదల చేసింది. ‘జలసఖి నేనై నిలిచా నెలరాజా..’ అంటూ సాగే ఈ పాట యూత్‌ను ఎంతగానో ఆకట్టుకుంటోంది. అనంత శ్రీరామ్‌ ఈ పాటను రాయగా సింగర్‌ అంతరా నందీ అలపించారు. ప్రసిద్ధ రచయిత కల్కి రాసిన ‘పొన్నియిన్‌ సెల్వన్‌’ అనే నవల ఆధారంగా తెరకెక్కుతున్న సినిమా ‘పొన్నియిన్‌ సెల్వన్‌ 1’. భారీ తారాగణంతో మణిరత్నం కలల సినిమాగా ఈ చిత్రం రూపొందుతోంది. విక్రమ్‌, కార్తి, జయం రవి, ప్రకాశ్‌ రాజ్‌, ఐశ్వర్యరాయ్‌, త్రిష నటించిన ఈ సినిమా సెప్టెంబర్ 30న ప్రేక్షకుల ముందుకు రానుంది. చోళ రాజ్యం నేపథ్యంలో రానున్న ఈ సినిమా రెండు భాగాలుగా విడుదలవ్వనుంది. ఇప్పటికే విడుదలైన ఈ చిత్ర ట్రైలర్‌ ప్రేక్షకులను ఎంతగానో ఆకట్టుకుంటోంది.