Ponniyin Selvan: త్వరలోనే చోళులు వస్తున్నారు

ప్రముఖ దర్శకుడు మణిరత్నం(Maniratnam) ప్రతిష్టాత్మకంగా తెరకెక్కిస్తున్న పీరియాడికల్‌ చిత్రం ‘పొన్నియన్‌ సెల్వన్‌-1’ (Ponniyin Selvan). రెండు భాగాలుగా విడుదల కానున్న ఈ సినిమా తొలిపార్ట్‌ షూటింగ్‌ పూర్తైంది. ఈ మేరకు చిత్రబృందం ఓ పోస్టర్‌ను సామాజిక మాధ్యమాల్లో పంచుకుంది. ‘‘త్వరలోనే చోళులు వస్తున్నారు’’ అనే వ్యాఖ్యని జోడించారు. చోళ సామ్రాజ్య పతాకం ఎగురుతున్నట్లు ఉన్న ఈ పోస్టర్‌ ఆకట్టుకుంటోంది. ఇందులో విక్రమ్‌ (Vikram), కార్తి(Karthi), జయం రవి(jayam Ravi), ఐశ్వర్యరాయ్‌(Aishwarya rai), త్రిష(Trisha), శోభితా ధూళిపాళ్ల(Sobhita Dhulipala) ముఖ్యపాత్రలు పోషిస్తున్నారు. సెప్టెంబర్‌ 30న తమిళంతో పాటు తెలుగు, మలయాళం, కన్నడ, హిందీ భాషల్లో ఈ చిత్రాన్ని విడుదల చేస్తున్నట్లు నిర్మాణ సంస్థ లైకా ప్రొడక్షన్‌ ఇప్పటికే ప్రకటించింది. అందుకే ప్రచార కార్యక్రమాలు వేగవంతం చేశారు.