Pooja Hegde: బాడీగార్డ్‌ల మధ్య బుట్టబొమ్మ

బుట్టబొమ్మ..బుట్టబొమ్మ అంటూ తెలుగు ప్రేక్షకులు పదేపదే పాడుకొనేలా తన అందంతో అలరిస్తున్న నాయిక పూజా హెగ్డే (Pooja Hegde). ఆమె దక్షిణాదితో పాటు హిందీలోనూ అవకాశాలు అందిపుచ్చుకుంటోంది. ప్రస్తుతం ఆమె సల్మాన్‌ఖాన్‌తో (Salman Khan) కలిసి హిందీలో నటిస్తున్న చిత్రం ‘కిసీ కా భాయ్‌ కిసీ కా జాన్‌’ (Kisi Ka Bhai Kisi Ki Jaan). వెంకటేష్‌ (Venkatesh) ఓ కీలక పాత్రలో నటిస్తున్నారు. ఈ సినిమా చిత్రీకరణ శరవేగంగా జరుగుతోంది. గురువారం పూజ పుట్టినరోజు. ఈ సినిమా సెట్లోనే ఆమె పుట్టినరోజు వేడుకల్ని వెంకీ, సల్మాన్‌ దగ్గరుండి నిర్వహించి పూజతో కేకు కోయించి శుభాకాంక్షలు తెలిపారు. ఆ ఫొటోను సల్మాన్‌ ట్విటర్‌లో పంచుకున్నారు. ‘బాడీ గార్డ్‌’ల మధ్య బుట్టబొమ్మ భలేగా ఉంది’ అంటూ నెటిజన్లు స్పందించారు. హిందీ ‘బాడీగార్డ్‌’లో సల్మాన్‌ తెలుగులో అదే పేరుతో తెరకెక్కిన చిత్రంలో వెంకటేష్‌ నటించిన సంగతి తెలిసిందే.