Poorna: పెళ్లి క్యాన్సిల్‌ వార్తలపై పూర్ణ ఏమన్నారంటే..!

తన పెళ్లి క్యాన్సిల్‌ అయ్యిందంటూ వస్తోన్న వార్తలపై నటి పూర్ణ (Poorna) స్పందించారు. కాబోయే భర్తని కౌగిలించుకుని సిగ్గుపడుతోన్న ఓ ఫొటోని ఆమె తాజాగా ఇన్‌స్టా వేదికగా షేర్‌ చేశారు. ‘‘అతనెప్పటికీ నా వాడే’’ అంటూ లవ్‌ సింబల్స్‌ను జోడించారు..

Published : 10 Aug 2022 13:49 IST

ఒక్క ఫొటోతో అన్నింటికీ చెక్‌ పెట్టిన నటి

హైదరాబాద్‌: తన పెళ్లి క్యాన్సిల్‌ అయ్యిందంటూ వస్తోన్న వార్తలపై నటి పూర్ణ (Poorna) స్పందించారు. కాబోయే భర్తని కౌగిలించుకుని సిగ్గుపడుతోన్న ఓ ఫొటోని ఆమె తాజాగా ఇన్‌స్టా వేదికగా షేర్‌ చేశారు. ‘‘అతడెప్పటికీ నా వాడే’’ అంటూ లవ్‌ సింబల్స్‌ను జోడించారు. పూర్ణ పెట్టిన పోస్టుతో ఆమె వివాహం రద్దైనట్లు వస్తోన్న వార్తలకు ఫుల్‌స్టాప్‌ పడినట్లు అయ్యింది.

నటిగా తెలుగు వారికి చేరువైన పూర్ణ నిశ్చితార్థం యూఏఈకి చెందిన వ్యాపారవేత్త షనీద్ అసిఫ్ ఆలీతో ఈ ఏడాది జూన్‌లో జరిగింది. ఎన్నో ఏళ్ల నుంచి స్నేహితులుగా ఉన్న వీరిద్దరూ పెద్దల అంగీకారంతో వివాహ బంధంలోకి అడుగుపెట్టనున్నారు. అయితే.. నిశ్చితార్థమైన తర్వాత పూర్ణ, ఆమెకు కాబోయే భర్త షనీద్‌ మధ్య మనస్పర్థలు తలెత్తాయని, దీంతో వీరు పెళ్లి క్యాన్సిల్‌ చేసుకున్నారని ఇటీవల ప్రచారం జరిగింది. తాజాగా పూర్ణ షేర్‌ చేసిన ఫొటోతో ఆ వార్తలకు చెక్‌ పడింది. ఇక, సినిమాల విషయానికి వస్తే..  ‘శ్రీమహాలక్ష్మి’, ‘అవును’, ‘సీమ టపాకాయ్‌’ వంటి చిత్రాలతో ఈ మలయాళీ భామ తెలుగువారికి చేరువయ్యారు. ప్రస్తుతం ఆమె పలు కార్యక్రమాలకు న్యాయనిర్ణేతగా వ్యవహరిస్తూ బుల్లితెర ప్రేక్షకుల్ని అలరిస్తున్నారు.

Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని