Prabhas: పూజాతో ముద్దు సీన్లు.. ప్రభాస్‌ ఏమన్నారంటే..?

హైదరాబాద్‌: ‘రాధేశ్యామ్‌’ సినిమా కోసం పూజాహెగ్డేతో కలిసి కొన్ని రొమాంటిక్‌ సన్నివేశాల్లో నటించడంపై ప్రభాస్‌ స్పందించారు. ముద్దు సీన్లు చేసేటప్పుడు ఇబ్బందిగా అనిపించిందన్నారు. సినిమా ప్రమోషన్స్‌లో ఈ విషయాన్ని బయటపెట్టారు. వింటేజ్‌ ప్రేమకథా చిత్రంగా రూపుదిద్దుకున్న ఈసినిమాలో ప్రభాస్‌.. తన ప్రేయసి పాత్రలో నటించిన పూజాహెగ్డేని ముద్దు పెట్టుకున్నట్లు ప్రచార చిత్రాల్లో చూపించారు.

‘‘ఇదొక లవ్‌స్టోరీ కాబట్టి దర్శకుడు అలాంటి సన్నివేశాలు రాయాల్సి వచ్చింది. స్క్రిప్ట్‌ డిమాండ్‌ చేస్తున్నప్పుడు అలాంటి సీన్లు చేయలేనని చెప్పలేను. కమర్షియల్‌ సినిమాలో అయితే రొమాంటిక్‌ సన్నివేశాలు వద్దనుకుంటే.. చెప్పి తొలగించేయవచ్చు. కానీ, ఇలాంటి ప్రేమకథా చిత్రాలకు అది కుదరని పని. ముద్దు సన్నివేశాలు ఒక్కటే కాదు.. సెట్‌లో ఉన్న వాళ్లందరి ముందు చొక్కా లేకుండా నటించాలంటే ఇప్పటికీ ఇబ్బందిగానే ఉంటుంది. షర్ట్‌ లెస్‌ సీన్లు ఉన్నప్పుడు సెట్‌లో మొత్తం ఎంతమంది ఉన్నారా? అని చెక్‌ చేసుకుంటా. అక్కడ చాలా మంది ఉంటే.. దర్శకుడితో మాట్లాడి ఆ సీన్ల వరకూ వేరే ఎక్కడైనా షూట్‌ చేయమని అడుగుతా’’ అని ప్రభాస్‌ తెలిపారు.