Prabhas: అభిమానితో వీడియోకాల్‌లో మాట్లాడిన ప్రభాస్‌

ఆమెకు ఆనందం

హైదరాబాద్‌: ప్రస్తుతం పాన్‌ ఇండియా చిత్రాలు ‘ఆదిపురుష్‌’, ‘సలార్‌’ షూటింగ్‌తో బిజీబిజీగా ఉన్న ప్రభాస్‌.. ఇటీవలి కాలంలో మీడియాకు కాస్త దూరంగా ఉంటున్నారు.  ఈ డార్లింగ్‌ తన అభిమాని కోసం వీడియో కాల్‌లో మాట్లాడి ఆమె ముఖంపై నవ్వులు కురిపించారు. కొన్నిరోజుల క్రితం శోభిత అనే అమ్మాయి అనారోగ్యం కారణంగా హైదరాబాద్‌లోని  ఆసుపత్రిలో చికిత్స పొందుతోంది. ఇక డాక్టర్లు ఆమె ఇష్టాఇష్టాలను తెలుసుకోగా.. ప్రభాస్‌ అభిమానినని, ఆయనతో మాట్లాడాలని ఉందని చెప్పింది. శోభిత కోరిక మేరకు ప్రభాస్‌తో మాట్లాడించే ప్రయత్నం చేయగా.. శనివారం ప్రభాస్‌ వీడియో కాల్‌ చేసి  మాట్లాడి ఆమెకు ఆనందాన్ని పంచారు.